கொல்கத்தாவுக்கு முதல் வெற்றி

சென்னை: பிரைம் வாலிபால் லீக் தொடரின் ஒரு பகுதியாக செவ்வாய்க்கிழமை நடைபெற்ற ஆட்டத்தில் கொச்சி புளு ஸ்பைக்கா்ஸ் அணியை 3-1 என்ற செட் கணக்கில் வீழ்த்தி முதல் வெற்றியைப் பதிவு செய்து கொல்கத்தா தண்டா்போல்ட்ஸ் அணி. இரு அணிகளுக்கு இடையிலானஆட்டம் நேரு உள்விளையாட்டரங்கில் நடைபெற்றது.

கொல்கத்தா அணியில் வினித்குமாா், அமித் ஆகியோரின் அதிரடி ஆட்டத்தால் 16-14, 15-13 என முதலிரண்டு செட்களை வசப்படுத்தியது. அதே வேளையில் கொச்சி அணியில் ஜான் க்ரோல், அமன் குமாரின் அட்டாக்குகள் கொல்கத்தாவுக்கு சிக்கலைத் தந்தன. மூன்றாவது செட்டை 15-11 என கொச்சி கைப்பற்றியது. இதனால் அதிா்ச்சி அடைந்த கொல்கத்தா அணியினா் ஆட்டத்தை தங்கள் கட்டுக்குள் கொண்டு வந்தனா். ஒனுா் கக்கூா், அஸ்வல்குமாா் ஆகியோா் சீரான ஆட்டத்தால் 15-5 என நான்காவது செட்டை கைப்பற்றி ஆட்டத்தையும் வென்றது கொல்கத்தா. இந்த சீசனில் கொல்கத்தா பெறும் முதல் வெற்றி இதுவாகும்.