தசைப்பிடிப்புடன் பேட்டிங் செய்ததாக ஆஸ்திரேலிய அணியின் ஆல்ரவுண்டர்களில் ஒருவரான கேமரூன் கிரீன் தெரிவித்துள்ளார்.

நியூசிலாந்து மற்றும் ஆஸ்திரேலிய அணிகளுக்கு இடையிலான முதல் டெஸ்ட் போட்டி இன்று (பிப்ரவரி 29) தொடங்கியது. இந்தப் போட்டியில் டாஸ் வென்ற நியூசிலாந்து அணி பந்துவீச்சைத் தேர்வு செய்தது. இதனையடுத்து, முதல் இன்னிங்ஸைத் தொடங்கிய ஆஸ்திரேலியா முதல் நாள் ஆட்டநேர முடிவில் 9 விக்கெட்டுகளை இழந்து 279 ரன்கள் எடுத்துள்ளது. அந்த அணியில் அதிகபட்சமாக 103 ரன்களுடன் கேமரூன் கிரீன் களத்தில் உள்ளார்.

இந்த நிலையில், தசைப்பிடிப்பு ஏற்பட்ட பிறகு பேட்டிங் செய்யத் தடுமாறியதாக ஆஸ்திரேலிய அணியின் கேமரூன் கிரீன் தெரிவித்துள்ளார்.

இது தொடர்பாக அவர் பேசியதாவது: ஆட்டத்தின்போது எனக்கு தசைப்பிடிப்பு ஏற்பட்டது. நான் தடுமாற்றமான ஆட்டத்தை வெளிப்படுத்திக் கொண்டிருந்தேன். மிட்செல் மார்ஷ் சிறப்பாக விளையாடினார். அவர் ரன்கள் குவிப்பதை எப்போதும் விரும்புபவர். ஆஸ்திரேலிய அணிக்கும் ரன்கள் தேவைப்பட்டன. மார்ஷ் குவித்த 40 ரன்கள் மிக முக்கியமானது. அவரது சிறப்பான ஆட்டத்தினால் தொடக்கத்தில் தடுமாறிய ஆஸ்திரேலிய அணி மீண்டும் ஆட்டத்துக்குள் வந்தது. அவர் அற்புதமாக விளையாடினார் என்றார்.

மிட்செல் மார்ஷ் 39 பந்துகளில் 40 ரன்கள் எடுத்தது குறிப்பிடத்தக்கது.