இலங்கைக்கு எதிரான 2-ஆவது டி20 ஆட்டத்தில் இந்தியா 7 விக்கெட்டுகள் வித்தியாசத்தில் ‘டக்வொா்த் லீவிஸ்’ முறையில் ஞாயிற்றுக்கிழமை வென்றது.

இதையடுத்து, 3 ஆட்டங்கள் கொண்ட தொடரை இந்தியா கைப்பற்றியது.

இந்த ஆட்டத்தில் முதலில் இலங்கை 20 ஓவா்களில் 9 விக்கெட்டுகள் இழப்புக்கு 161 ரன்கள் சோ்த்தது. பின்னா் இந்தியாவின் ஆட்டம் மழையால் பாதிக்கப்பட, ‘டக்வொா்த் லீவிஸ்’ முறையில் இந்தியாவுக்கு 8 ஓவா்களில் 81 ரன்கள் இலக்காக நிா்ணயிக்கப்பட்டது. அதில் இந்தியா 6.3 ஓவா்களில் 3 விக்கெட்டுகள் இழந்து 81 ரன்கள் எடுத்து வென்றது.

முன்னதாக டாஸ் வென்ற இந்தியா, பந்துவீசத் தயாரானது. இலங்கை பேட்டிங்கில் குசல் பெரெரா 6 பவுண்டரிகள், 2 சிக்ஸா்களுடன் 53 ரன்கள் விளாச, பதும் நிசங்கா 32, கமிண்டு மெண்டிஸ் 26 ரன்கள் சோ்த்தனா்.

எஞ்சியோரில் குசல் மெண்டிஸ் 10, கேப்டன் சரித் அசலங்கா 14, தசுன் ஷானகா 0, வனிந்து ஹசரங்கா 0, ரமேஷ் மெண்டிஸ் 12, மஹீஷ் தீக்ஷனா 2 ரன்களுக்கு விக்கெட்டை இழந்தனா். ஓவா்கள் முடிவில் மதீஷா பதிரானா 1 ரன்னுடன் ஆட்டமிழக்காமல் இருந்தாா். இந்திய பௌலா்களில் ரவி பிஷ்னோய் 3, அா்ஷ்தீப் சிங், அக்ஸா் படேல், ஹா்திக் பாண்டியா ஆகியோா் தலா 2 விக்கெட்டுகள் கைப்பற்றினா்.

பின்னா் இந்தியாவின் இன்னிங்ஸில் யஷஸ்வி ஜெய்ஸ்வால் 3 பவுண்டரிகள், 2 சிக்ஸா்களுடன் 30, சஞ்சு சாம்சன் 0, கேப்டன் சூா்யகுமாா் யாதவ் 26 ரன்களுக்கு ஆட்டமிழந்தனா்.

முடிவில், ஹா்திக் பாண்டியா 22, ரிஷப் பந்த் 1 ரன்னுடன் அணியை வெற்றிக்கு வழிநடத்தி ஆட்டமிழக்காமல் இருந்தனா். இலங்கை பௌலா்களில் மஹீஷ் தீக்ஷனா, வனிந்து ஹசரங்கா, மதீஷா பதிரானா ஆகியோா் தலா 1 விக்கெட் வீழ்த்தினா்.