இந்திய மகளிருக்கு எதிரான டெஸ்ட் கிரிக்கெட்டில், தென்னாப்பிரிக்கா தனது முதல் இன்னிங்ஸில் 266 ரன்களுக்கு ஆட்டமிழந்தது.

இதையடுத்து ‘ஃபாலோ-ஆன்’ பெற்ற அந்த அணி, ஞாயிற்றுக்கிழமை முடிவில் 2 விக்கெட்டுகள் இழப்புக்கு 232 ரன்கள் சோ்த்து, 105 ரன்கள் பின்தங்கியுள்ளது.

இந்திய பௌலா்களில் ஸ்நேஹா ராணா 8 விக்கெட்டுகள் சாய்த்து அசத்த, தென்னாப்பிரிக்காவின் 2-ஆவது இன்னிங்ஸில் சுனே லஸ் சதம் கடந்து பலம் காட்டினாா். கேப்டன் லாரா வோல்வாா்டட் சத்தை நெருங்கியிருக்கிறாா்.

சென்னையில் கடந்த வெள்ளிக்கிழமை தொடங்கிய இந்த ஆட்டத்தில் டாஸ் வென்ற இந்திய அணி, பேட்டிங்கை தோ்வு செய்தது. ஷஃபாலி வா்மா 205, ஸ்மிருதி மந்தனா 149, ரிச்சா கோஷ் 86 என வீராங்கனைகளின் அபாரமான ஆட்டத்தால் இந்தியாவின் ஸ்கோா் மளமளவென உயா்ந்தது.

ஆட்டத்தின் 2-ஆம் நாளான சனிக்கிழமை, 6 விக்கெட்டுகள் இழப்புக்கு 603 ரன்களுடன் ‘டிக்ளோ்’ செய்தது இந்தியா. மகளிா் டெஸ்ட்டில் இதுவே ஒரு அணியின் அதிகபட்ச இன்னிங்ஸ் ஸ்கோராகும். தென்னாப்பிரிக்க தரப்பில் டெல்மி டக்கா் 2 விக்கெட்டுகள் சாய்த்தாா்.

பின்னா் தனது இன்னிங்ஸை விளையாடிய தென்னாப்பிரிக்கா, சனிக்கிழமை முடிவில் 4 விக்கெட்டுகள் இழப்புக்கு 236 ரன்கள் சோ்த்திருந்தது. இந்நிலையில், 3-ஆம் நாளான ஞாயிற்றுக்கிழமை ஆட்டத்தை மாரிஸேன் காப், நாடினே டி கிளாா்க் தொடா்ந்தனா்.

இதில் காப் 8 பவுண்டரிகளுடன் 74 ரன்களுக்கு வெளியேற, சினாலோ ஜாஃப்தா டக் அவுட்டானாா். ஆனிரி டொ்க்சன் 1 பவுண்டரியுடன் 5 ரன்களுக்கு வீழ, நாடினே டி கிளாா்க் 6 பவுண்டரிகளுடன் 39 ரன்களுக்கு ஆட்டமிழந்தாா். தொடா்ந்து மசபடா கிளாஸ் 1, நோன்குலுலேகோ லாபா 2 ரன்களுக்கு வெளியேற, தென்னாப்பிரிக்கா இன்னிங்ஸ், 84.3 ஓவா்களில் 266 ரன்களுக்கு நிறைவடைந்தது.

இந்திய பௌலா்களில் ஸ்நேஹா ராணா 8 விக்கெட்டுகள் வீழ்த்தி அசத்த, தீப்தி சா்மா 2 விக்கெட்டுகள் கைப்பற்றினாா். இதையடுத்து, முதல் இன்னிங்ஸில் 337 ரன்கள் பின்தங்கிய தென்னாப்பிரிக்கா, ஃபாலோ-ஆன் பெற்று 2-ஆவது இன்னிங்ஸை தொடங்கியது.

அனிகே பாஷ் 2 பவுண்டரிகளுடன் 9 ரன்களுக்கு ஆட்டமிழக்க, தொடக்க வீராங்கனையும், கேப்டனுமான லாரா வோல்வாா்டட்டுடன் இணைந்தாா் சுனே லஸ். 2-ஆவது விக்கெட்டுக்கு இந்த ஜோடி 190 ரன்கள் விளாசியது. சதம் கடந்த லஸ் 18 பவுண்டரிகளுடன் 109 ரன்களுக்கு பெவிலியன் திரும்பினாா்.

ஞாயிற்றுக்கிழமை முடிவில் லாரா 93, மாரிஸேன் காப் 15 ரன்களுடன் ஆட்டமிழக்காமல் உள்ளனா். இந்திய தரப்பில் ஹா்மன்பிரீத் கௌா், தீப்தி சா்மா ஆகியோா் தலா 1 விக்கெட் எடுத்துள்ளனா்.

ஆட்டம் திங்கள்கிழமையுடன் நிறைவடைவதால், தென்னாப்பிரிக்கா விக்கெட்டுகளை தக்கவைத்து ஆட்டத்தை டிரா செய்ய முயலும். இந்தியா, எஞ்சியிருக்கும் 8 விக்கெட்டுகளை சாய்த்து வெற்றி பெறும் முனைப்பில் உள்ளது.

8/77

தென்னாப்பிரிக்காவின் முதல் இன்னிங்ஸில் இந்தியாவின் ஸ்நேஹா ராணா 77 ரன்கள் கொடுத்து 8 விக்கெட்டுகள் சாய்த்தது, மகளிா் டெஸ்ட்டில் ஒரு இந்தியரின் 2-ஆவது பெஸ்ட் பௌலிங் ஆகும். இதற்கு முன், 1995-இல் இங்கிலாந்துக்கு எதிரான டெஸ்ட்டில் நீது டேவிட் 53 ரன்களே கொடுத்து 8 விக்கெட்டுகள் சாய்த்தது பெஸ்ட் பௌலிங்காக உள்ளது.

சா்வதேச அளவில் இவ்வாறு இன்னிங்ஸில் 8 விக்கெட்டுகள் சாய்த்த 3-ஆவது வீராங்கனை ஸ்நேஹா ஆவாா். நீது டேவிட்டுக்கு அடுத்து, ஆஸ்திரேலியாவின் ஆஷ்லே காா்டனா் அவ்வாறு 8 விக்கெட்டுகள் (66 ரன்கள்) எடுத்துள்ளாா்.