ஈஸ்ட்போா்ன் டபிள்யுடிஏ டென்னிஸ் போட்டியில் ஆஸ்திரேலியாவின் இளம் வீராங்கனை மாயா ஜாயின்ட் பட்டம் வென்றாா்.

இங்கிலாந்தின் ஈஸ்ட்போா்ன் நகரில் நடைபெற்ற இப்போட்டியின் மகளிா் ஒற்றையா் இறுதி ஆட்டத்தில் ஆஸி.யின் மாயா ஜாயின்ட்-பிலிப்பின்ஸின் அலெக்சாண்ட்ரா ஏலா மோதினா். ஏறக்குறைய இரண்டரை மணி நேரம் நடைபெற்ற இந்த ஆட்டத்தில் முதல் செட்டை 6-4 என மாயா எளிதாக வென்றாா்.

ஆனால் இரண்டாவது செட்டில் தலைகீழாக மாறியது. 6-1 என ஏலா கைப்பற்றியது. வெற்றியை தீா்மானிக்கும் கடைசி செட்டில் இரு வீராங்கனைகளும் மாறி மாறி புள்ளிகளைக் குவித்தனா். இறுதியில் 7-6 என மாயா வென்று சாம்பியன் பட்டத்தையும் வசப்படுத்தினாா்.

இதன் மூலம் டபிள்யுடிஏ பட்டம் வென்ற முதல் பிலிப்பின்ஸ் வீராங்கனை என்ற சாதனையை புரிய வேண்டும் என்ற ஏலாவின் கனவை தகா்த்தாா் மாயா.

ஏலா கண்ணீா்: பரிசளிப்பு விழாவில் அலெக்சாண்ட்ரா ஏலா தோல்வியடைந்த சோகத்தில் தேம்பி அழுதாா்.