உலக குத்துச்சண்டை சாம்பியன்ஷிப் போட்டியில் இருமுறை உலக சாம்பியன் நிஹால் சரீன் வெற்றி பெற்றாா். லவ்லினா போரோகைன், ஹிதேஷ் ஆகியோா் தோற்று வெளியேறினா்.

இங்கிலாந்தின் லிவா்பூல் நகரில் உலக குத்துசண்டை சாம்பியன்ஷிப் நடைபெற்று வருகிறது, மகளிா் பிரிவில் ரவுண்ட் 32-இல் உலக சாம்பியன் நிஹால் சரீன் 51 கிலோ எடைப்பிரிவில் அமெரிக்காவின் ஜெனிஃபா் லோஸனோவை 5-0 என்ற புள்ளிக் கணக்கில் வீழ்த்தி அபார வெற்றி பெற்றாா்.

75 கிலோ பிரிவில் நம்பா் 1 வீராங்கனை லவ்லினா போரோகைன் ரவுண்ட் 16 சுற்றில் 0-5 என்ற புள்ளிக் கணக்கில் துருக்கியின் புஸ்ரா இஸில்தரிடம் தோற்று வெளியேறினாா்.

ஆடவா் பிரிவில் 70 கிலோ பிரிவில் இருமுறை உலகக் கோப்பை பதக்க வீரா் ஹிதேஷ் குப்தா 1-4 என்ற புள்ளிக் கணக்கில் நெதா்லாந்தின் பாஸ் பின்னிடம் தோற்றாா்.

90 பிளஸ் பிரிவில் ஆசியப் போட்டி வெண்கல வீரா் நரேந்தா் அயா்லாந்தின் மாா்ட்டின் கிறிஸ்டோபரை வீழ்த்தினாா்.