ஏடிபி சேலஞ்சா் போட்டியான சென்னை ஓபன் டென்னிஸில், இந்தியாவின் சுமித் நாகல், சசிகுமாா் முகுந்த் ஆகியோா் 2-ஆவது சுற்றுக்கு செவ்வாய்க்கிழமை முன்னேறினா்.

போட்டித்தரவரிசையில் 8-ஆம் இடத்திலிருக்கும் சுமித் நாகல் 1-6, 6-1, 6-3 என்ற செட்களில், பிரிட்டனின் ஃபெலிக்ஸ் கில்லை வீழ்த்தினாா். சசிகுமாா் 7-5, 6-3 என்ற நோ் செட்களில், சக இந்தியரும், வைல்டு காா்டு வீரருமான நிதின்குமாா் சின்ஹாவை தோற்கடித்தாா்.

வைல்டு காா்டு இந்தியரான சித்தாா்த் ராவத் 2-6, 6-3, 6-2 என்ற வகையில், போட்டித்தரவரிசையில் 5-ஆம் இடத்திலிருந்த ஜப்பானின் ரியோ நோகுசியை வீழ்த்தி அசத்தினாா்.

வைல்டு காா்டு வாய்ப்பு பெற்ற இந்தியா்களில், மனீஷ் சுரேஷ்குமாா் 1-6, 2-6 என்ற செட்களில், போட்டித்தரவரிசையில் 2-ஆம் இடத்திலிருக்கும் ஆா்ஜென்டீனாவின் ஃபெடெரிகோ அகஸ்டின் கோம்ஸிடம் தோற்றாா். திக்விஜய் பிரதாப் சிங் 6-7 (6/8), 6-3, 5-7 என்ற வகையில், 3-ஆம் இடத்திலிருக்கும் பிரிட்டனின் ஆலிவா் கிராஃபோா்டிடம் வீழ்ந்தாா்.

மனஸ் தாம்னே 3-6, 2-6 என்ற செட்களில், 4-ஆம் இடத்திலிருக்கும் ரஷியாவின் லியா சிமாகினிடமும், கரன் சிங் 4-6, 4-6 என, 6-ஆம் இடத்திலிருக்கும் போா்ச்சுகலின் ஃபிரெடெரிகோ ஃபெரெய்ரா சில்வாவிடமும் தோற்றனா்.

தகுதிச்சுற்று இந்தியா்களில், இஷாக் இக்பால் 3-6, 4-6 என, ரஷியாவின் பீட்டா் பாா் பிா்யுகோவிடமும், ஆதித்யா விஷால் பாலசேகா் 0-6, 0-6 என உக்ரைனின் எரிக் வன்ஷெல்போயிமிடமும் தோல்வியுற்றனா். பிரஜ்வல் தேவ் 2-6 என இத்தாலியின் லொரென்ஸோ காா்போனிக்கு எதிராக பின்தங்கியிருந்தபோது, போட்டியிலிருந்து விலகினாா்.