சென்னை: தமிழக முதல்வராக வி.கே.சசிகலா பதவியேற்கும் நிகழ்ச்சி வரும் 9 ஆம் தேதி நடைபெறும் என அரசுத் துறை வட்டாரங்கள் தெரிவிக்கின்றன.
அதிமுக சட்டப்பேரவைக்குழுத் தலைவராக கட்சியின் பொதுச் செயலாளரான வி.கே.சசிகலா நேற்று ஞாயிற்றுக்கிழமை ஒருமனதாகத் தேர்ந்தெடுக்கப்பட்டார். இதையடுத்து தமிழக முதல்வராக வி.கே.சசிகலா பதவியேற்கும் நிகழ்ச்சி வரும் 9 ஆம் தேதி அல்லது நாளை செவ்வாய்க்கிழமை (பிப்.7) பதவியேற்கக்கூடும் என்று தகவல்கள் தெரிவிக்கின்றன.
தில்லியிலிருந்து ஆளுநர் வித்யாசாகர் ராவ் சென்னை திரும்பியதும் பதவியேற்பு விழா முழுவீச்சில் மேற்கொள்ளப்படும் எனத் தெரிகிறது.
முதல்வராகப் பொறுப்பேற்ற பிறகு, அதிமுக தேர்தல் அறிக்கையில் அறிவித்த சில முக்கியத் திட்டங்களுக்கான கோப்புகளில் அவர் கையெழுத்திடுவார். பெண்களைக் கவரும் வகையிலான திட்டங்களுக்கு முன்னுரிமை கொடுக்க முடிவு செய்யப்பட்டு கோப்புகள் தயாரிக்கப்பட்டு வருவதாகத் தகவல்கள் தெரிவிக்கின்றன.