சென்னை: அமைச்சர் ஜெயக்குமார் சூப்பர் டூப்பர் முதல்வராக செயல்படுகிறார் என்று திமுக செயல்தலைவரும் தமிழக எதிர்கட்சி தலைவருமான மு.க.ஸ்டாலின் குற்றம்சாட்டியுள்ளார்.
 
சென்னை விமான நிலையத்தில் இன்று செய்தியாளர்களிடம் அவர் கூறுகையில், போக்குவரத்து ஊழியர்கள் போராட்டம் முடிவுக்கு வந்தது மகிழ்ச்சி அளிக்கிறது. போக்குவரத்து தொழிலாளர்களுக்கு நிதி ஒதுக்க அரசு ஒத்துக் கொண்டது மகிழ்ச்சி அளிக்கிறது.

தமிழகத்தில் குடிப்பதற்கு கூட தண்ணீர் இல்லாத அளவிற்கு பஞ்சம் தலைவிரித்து ஆடுகிறது. சூப்பர் டூப்பர் முதல்வராக அமைச்சர் ஜெயக்குமார் செயல்பட்டு வருகிறார்.

ப.சிதம்பரம், கார்த்தி சிதம்பரம் வீடுகளில் நடந்த சிபிஐ சோதனையை அவர்கள் சட்டரீதியாக சந்திப்பார்கள். ஆனால், அமைச்சர் விஜயபாஸ்கர், தலைமை செயலாளர் ராம் மோகன ராவ் வீடுகளில் நடத்தப்பட்ட சோதனை எந்த நிலையில் உள்ளது என்பதை அரசு விளக்க வேண்டும் என்று கூறினார்.