சென்னை:  சர்வதேச சந்தையில் கச்சா எண்ணெயின் விலை கடந்த 27 நாள்களாக சரிந்து வருதையடுத்து, இன்று பெட்ரோல், டீசல் விலை நேற்றைய விலையில் இருந்து முறையே லிட்டருக்கு 14 காசுகள், 13 காசுகள் குறைக்கப்பட்டு, சென்னையில் ஒரு லிட்டர் பெட்ரோல் ரூ.80.42 ஆகவும், டீசல் ரூ.76.30 ஆக நிர்ணயம் செய்யப்பட்டு விற்பனைக்கு வந்துள்ளதாக பொதுத்துறை எண்ணெய் நிறுவனங்கள் அறிவித்துள்ளன.

இதன்படி, கலால் வரி மிகக் குறைவானதாகக் கருதப்படும் தில்லியில் ஒரு லிட்டர் பெட்ரோல் ரூ.77.43 ஆகவும், ஒரு லிட்டர் டீசல் ரூ.72.19 ஆகவும் விற்பனை செய்யப்பட்டு வருகிறது.

நாட்டிலேயே மிக அதிகமாக கலால் வரி விதிக்கப்படும் மும்பையில், இன்று பெட்ரோல், டீசலின் விலை முறையே ரூ.82.94 மற்றும் ரூ.75.64 ஆக விற்பனை செய்யப்பட்டு வருகிறது.

கடந்த ஆகஸ்ட் மாத மத்தியில் தொடங்கி, இரண்டு மாதங்களில் பெட்ரோல், டீசல் விலை படிப்படியாக அதிகரித்து வந்த நிலையில், தற்போது விலை சற்று குறைந்து வருவது ஆறுதலான விஷயமாக இருக்கிறது.