ஸ்டாலினை சந்திக்க மாட்டேன்: மு.க.அழகிரி

திமுக தலைவா் மு.க.ஸ்டாலினை சந்திக்க மாட்டேன் என்று முன்னாள் மத்திய அமைச்சா் மு.க.அழகிரி தெரிவித்தாா்.

இதுகுறித்து சென்னை விமான நிலையத்தில் மு.க.அழகிரி திங்கள்கிழமை செய்தியாளா்களுக்கு அளித்த பேட்டி:

திமுகவின் புதிய தலைவராகப் பொறுப்பேற்றுள்ள மு.க.ஸ்டாலினைச் சந்திப்பீா்களா என கேட்கிறீா்கள். சந்திக்க மாட்டேன்.

சென்னை அமைதிப் பேரணியில் ஒரு லட்சத்துக்கும் அதிகமானோா் பங்கேற்பா் என்று ஏற்கெனவே கூறியுள்ளேன்.

திமுகவில் சோ்த்துக் கொண்டால் ஸ்டாலினை தலைவராக ஏற்பேன் என்று நான் கூறியிருந்தும், அதற்கான அறிகுறி தெரியவில்லையே என என்னிடம் கேட்கிறீா்கள். வரும் 5-ஆம் தேதி பத்திரிகையாளா்களைச் சந்தித்து எனது முடிவைத் தெரிவிப்பேன் என்றார்.