தமிழகத்தில் அடுத்த 24 மணி நேரத்தில் ஓரிரு இடங்களில் லேசான மழைக்கு வாய்ப்பு உள்ளதாக சென்னை வானிலை ஆய்வு மையம் தெரிவித்துள்ளது. 

இதுகுறித்து சென்னை வானிலை ஆய்வு மையத் தகவலில், 
தென்கிழக்கு வங்கக்கடல் மற்றும் அதனையொட்டியுள்ள மத்திய இந்திய பெருங்கடல் பகுதிகளில் காற்றழுத்த தாழ்வு நிலை நிலவுகிறது. இதன் காரணமாக தமிழகம் மற்றும் புதுச்சேரியில் அடுத்த 24 மணி நேரத்தில் ஓரிரு இடங்களில் லேசான மழைக்கு வாய்ப்பு உள்ளது. 

நீலகிரி மற்றும் அதன் சுற்றுவட்டார மலைப்பகுதிகளில் அடுத்த 2 இரவுகளுக்கு உறை பனி நிலவும். சென்னையை பொறுத்தவரை வான மேகமூட்டத்டுன் காணப்படும். அதிகாலை நேரங்களில் பனிமூட்டம் நிலவும். இவ்வாறு அதில் தெரிவிக்கப்பட்டுள்ளது.