திமுக கூட்டணியில் மதிமுகவுக்கு ஒரு மக்களவை தொகுதி, ஒரு மாநிலங்களவை எம்.பி. பதவி ஒதுக்கீடு செய்யப்பட்டுள்ளது. 

நாடாளுமன்றத் தேர்தல் கூட்டணி தொடர்பாக திமுக, அதன் தோழமை கட்சிகளுடன் கூட்டணி மற்றும் தொகுதிப் பங்கீடு குறித்து பேச்சுவார்த்தை நடத்தி வருகிறது. 

திமுக தலைமையிலான கூட்டணியில், காங்கிரஸ் கட்சிக்கு 10 தொகுதிகளும், விடுதலை சிறுத்தைகள் கட்சி, இந்திய கம்யூனிஸ்ட் மற்றும் மார்க்சிஸ்ட் கம்யூனிஸ்ட் கட்சிகளுக்கு தலா 2 தொகுதிகளும், இந்திய முஸ்லீம் லீக் கட்சி, கொங்குநாடு மக்கள் தேசிய கட்சி மற்றும் இந்திய ஜனநாயக கட்சிக்கு தலா ஒரு தொகுதியும் ஒதுக்கப்பட்டுள்ளன. 

இதையடுத்து, திமுக - மதிமுக இடையே 3ம் கட்ட பேச்சுவார்த்தை சென்னை அண்ணா அறிவாலத்தில் இன்று நடைபெற்றது. இதில் மதிமுகவுக்கு ஒரு மக்களவைத் தொகுதி, ஒரு மாநிலங்களைத் சீட் ஒதுக்கீடு செய்யப்பட்டுள்ளது. இதற்கான ஒப்பந்தத்தில் திமுக தலைவர் மு.க.ஸ்டாலினும், மதிமுக பொதுச்செயலாளர் வைகோவும் இன்று கையெழுத்திட்டனர். 

பின்னர் செய்தியாளர்களிடம் பேசிய வைகோ,
எந்த சின்னத்தில் போட்டியிடுவோம் என்பது குறித்து தற்போது கூற இயலாது. 21 தொகுதி இடைத்தேர்தலிலும் திமுகவுக்கு, மதிமுக ஆதரவு அளிக்கும். இவ்வாறு அவர் கூறினார்.