சென்னையில் பெட்ரோல், டீசல் நேற்றைய விலையில் இருந்து இன்று (நவ.8) பெட்ரோல் லிட்டருக்கு 10 காசுகள் அதிகரித்தும், டீசல் லிட்டருக்கு 9 காசுகள் அதிகரித்தும் விற்பனை செய்யப்பட்டு வருகிறது.  
 
கடந்த 2017 ஆம் ஆண்டு ஜூன் 17 முதல் சர்வதேச விலை நிலவரத்துக்கு ஏற்ப நாள்தோறும் பெட்ரோல், டீசல் விலையை நிர்ணயித்து விற்பனை செய்ய எண்ணெய் நிறுவனங்களுக்கு மத்திய அரசு அனுமதி அளித்தது. அதன்படி, தினந்தோறும் பெட்ரோல், டீசல் விலை நிர்ணயிக்கப்பட்டு விற்பனை செய்யப்பட்டு காலை 6 மணி முதல் புதிய பெட்ரோல் மற்றும் டீசல் விலை அமல்படுத்தப்பட்டு வருகிறது. 

ஏறுமுகமாக இருந்து வந்த பெட்ரோல், டீசல் விலையில் கடந்த ஒரு வாரமாக குறைந்தும், மாற்றமின்றியும் விற்பனையாகி வந்தன.

இந்நிலையில், எண்ணெய் நிறுவனங்கள் இன்று (நவ.8) வெளியிட்டுள்ள அறிவிப்பில், சென்னையில் பெட்ரோல் நேற்றைய விலையில் இருந்து லிட்டருக்கு 10 காசுகள் அதிகரித்து ஒரு லிட்டர் பெட்ரோல் ரூ.75.55 ஆகவும், டீசல் லிட்டருக்கு 9 காசுகள் அதிகரித்து ஒரு லிட்டர் டீசல் ரூ.69.59 ஆகவும் விலை நிர்ணயம் செய்யப்பட்டுள்ளது. இந்த விலை இன்று காலை முதல் அமலுக்கு வந்தது.