யோகா மற்றும் இயற்கை மருத்துவ ஆலோசகர்கள் பணியிடங்களுக்கு தகுதியானவர்களிடம் இருந்து விண்ணப்பங்கள் வரவேற்கப்படுகின்றன. 

இதுகுறித்து இந்திய மருத்துவம் மற்றும் ஹோமியோபதி துறை வெளியிட்ட அறிவிப்பு:

தேசிய ஆயுஷ் குழுமத்தின் கீழ் உள்ள யோகா மற்றும் இயற்கை மருத்துவ ஆலோசகர் பணியிடங்களில் காலியாக 34 இடங்கள் நிரப்பப்பட உள்ளன. 

இது ஒரு தற்காலிக அடிப்படையிலான பணி வாய்ப்பாகும்.

நாளொன்றுக்கு ரூ.1,000 வீதம் ஊதியம் வழங்கப்படும். வாரத்துக்கு ஆறு நாள்கள் பணியில் இருத்தல் வேண்டும். தினமும் 6 மணி நேரம் பணியாற்ற வேண்டும்.
விருப்பமும், தகுதியும் உள்ள நபர்கள் www.tnhealth.org/ என்ற இணையதள முகவரியில் விண்ணப்பங்களைப் பதிவிறக்கம் செய்யலாம். 

அடுத்த மாதம் 15-ஆம் தேதி வரை விண்ணப்பிக்க கால அவகாசம் வழங்கப்படுகிறது.