சென்னையில் ஒரே நாளில் ரூ.33 கோடிக்கு மது விற்பனை

சென்னையில் நேற்று செவ்வாய்க்கிழமை ஒரே நாளில் ரூ.33 கோடிக்கு மது விற்பனை நடைபெற்றுள்ளதாக தகவல்கள் வெளியாகி உள்ளது. 

பெருநகர சென்னை காவல் எல்லைக்கு உட்பட்ட பகுதிகளில் சுமாா் 700-க்கும் அதிகமான டாஸ்மாக் கடைகள் உள்ளன. பொது முடக்கம் காரணமாக மாா்ச் 24-ஆம் தேதியில் இருந்து மூடப்பட்டிருந்த இந்தக் கடைகளை நேற்று செவ்வாய்க்கிழமை (ஆக 18) முதல் திறக்க உத்தரவிடப்பட்டது. 

இதையடுத்து அரசு வழிகாட்டுதல்களின்படி, கடைகள் திறக்கப்பட்டது. நேற்று செவ்வாய்க்கிழமை காலை 10 மணிக்கு டாஸ்மாக் கடைகள் திறக்கப்பட்டு இரவு 7 மணி வரை விற்பனை நடைபெற்றது. 

இதில்,நேற்று ஒரே நாளில் ரூ. 33 கோடிக்கு மது விற்பனை நடைபெற்றதாக தகவல்கள் வெளியாகியுள்ளது.