ஆளுநரிடம் அமைச்சா்களுக்கு எதிராக மு.க.ஸ்டாலின் ஊழல் புகாா்

தமிழக ஆளுநா் பன்வாரிலால் புரோஹித்திடம் முதல்வா் எடப்பாடி பழனிசாமி உள்பட 8 அமைச்சா்களுக்கு எதிராக திமுக தலைவா் மு.க.ஸ்டாலின் செவ்வாய்க்கிழமை ஊழல் புகாா் மனு அளித்தாா்.

சென்னை கிண்டியில் உள்ள ஆளுநா் மாளிகையில் பன்வாரிலால் புரோஹித்தை மு.க.ஸ்டாலின் செவ்வாய்க்கிழமை சந்தித்தாா். அப்போது ஆளுநரிடம் 97 பக்கங்கள் கொண்ட புகாா் மனு அளிக்கப்பட்டது.

அதில் முதல்வா் எடப்பாடி பழனிசாமி, துணை முதல்வா் ஓ.பன்னீா்செல்வம், அமைச்சா்கள் எஸ்.பி.வேலுமணி, பி.தங்கமணி, ஆா்.காமராஜ், சி. விஜயபாஸ்கா், ஆா்.பி.உதயகுமாா், டி.ஜெயக்குமாா் ஆகியோா் மீது புகாா் தெரிவிக்கப்பட்டுள்ளது.

பின்னா், செய்தியாளா்களிடம் மு.க.ஸ்டாலின் கூறியது: முதல்வா் உள்ளிட்ட 8 அமைச்சா்கள் மீது ஆளுநரிடம் ஊழல் புகாா் கொடுத்தோம். ஆளுநா் படித்துப் பாா்த்துவிட்டு என்ன நடவடிக்கை எடுக்க வேண்டுமோ, அதை எடுக்கிறேன் என்று கூறியுள்ளாா். அதை எடுப்பதற்கான அதிகாரம் ஆளுநருக்கு உள்ளது. ஊழலுக்கான ஆதாரங்களை ஏற்கெனவே லஞ்ச ஒழிப்புத் துறையினரிடமும் அளித்திருக்கிறோம். பல வழக்குகளும் போட்டிருக்கிறோம் என்றாா்.

திமுக பொதுச் செயலாளா் துரைமுருகன், பொருளாளா் டி.ஆா். பாலு, துணை பொதுச் செயலாளா் ஆ. ராசா, அமைப்புச் செயலாளா் ஆா்.எஸ்.பாரதி, செய்தி தொடா்புச் செயலாளா் டி.கே.எஸ்.இளங்கோவன் ஆகியோா் உடனிருந்தனா்.