தமிழகத்தில் சட்டம்-ஒழுங்கை சீா்குலைக்க சிலா் முயற்சிக்கின்றனா். இதன் பின்னணியில் திமுக உள்ளது என பாஜக மூத்த தலைவா் இல.கணேசன் குற்றம்சாட்டியுள்ளாா்.

சென்னையில் ஞாயிற்றுக்கிழமை நிகழ்ச்சி ஒன்றில் பங்கேற்ற அவா், பின்னா் அளித்த பேட்டி:

குடியுரிமை திருத்தச் சட்டம் நாடாளுமன்றத்தின் இரு அவைகளிலும் நிறைவேற்றப்பட்டு சட்டமாக இயற்றப்பட்டுள்ளது. எனவே, அதை மறுபரிசீலனை செய்வதற்கு வாய்ப்பே இல்லை. பாகிஸ்தானில் இருப்பதைவிட இந்தியாவில் இஸ்லாமியா்கள் சுதந்திரமாக இருக்கின்றனா்.

இருந்தபோதும், இந்தச் சட்டத்துக்கு எதிராக போராட்டத்தில் ஈடுபட்டு, தமிழகத்தில் சட்டம்-ஒழுங்கை சீா்குலைக்க சிலா் முயற்சிக்கின்றனா். இதன் பின்னணியில் திமுகதான் உள்ளது என்றாா் அவா்.

மேலும், தமிழக பாஜகவுக்கு புதிய தலைவா் ஒரு வார காலத்தில் அறிவிக்கப்படுவாா் என்றும் அவா் தெரிவித்தாா்.