ஜெயலலிதா பிறந்தநாளையொட்டி விழுப்புரத்தில் நகரச் செயலாளர் ஜி.பாஸ்கரன் தலைமையில் அதிமுகவினர் இனிப்புகள் வழங்கியும் நலத்திட்ட உதவிகள் வழங்கியும் கொண்டாடினர்.

மறைந்த முன்னாள் முதல்வர் ஜெயலலிதாவின் 72வது பிறந்தநாள் அதிமுகவினரால் தமிழகம் முழுவதும் கொண்டாடப்பட்டு வருகிறது. மேலும், ஜெயலலிதாவின் பிறந்தநாள் மாநில பெண் குழந்தைகள் பாதுகாப்பு தினமாக தமிழக அரசு அறிவித்துள்ளது. 

இந்நிலையில், விழுப்புரத்தில் ஜெயலலிதா பிறந்தநாளையொட்டி நகரச் செயலாளர் ஜி.பாஸ்கரன் தலைமையில் சட்டமன்ற உறுப்பினர் அலுவலகம் எதிரே அதிமுகவினர் இனிப்புகள் வழங்கியும் நலத்திட்ட உதவிகள் வழங்கியும் கொண்டாடினர்.