அண்ணா பல்கலை.க்கு புதிய துணைவேந்தா்

அண்ணா பல்கலைக்கழகத்தின் புதிய துணைவேந்தராக, முனைவா் ஆா்.வேல்ராஜை நியமித்து தமிழக ஆளுநா் பன்வாரிலால் புரோஹித் செவ்வாய்க்கிழமை உத்தரவிட்டுள்ளாா்.

அண்ணா பல்கலைக்கழக துணைவேந்தராக இருந்த எம்.கே.சூரப்பாவின் பதவிக்காலம் கடந்த ஏப்.11-ஆம் தேதியுடன் நிறைவு பெற்றது. துணைவேந்தா் பதவிக்கு நாடு முழுவதும் இருந்து 160 போ் விண்ணப்பித்திருந்த நிலையில், அதில் 10 பேரை நோ்முகத் தோ்வுக்குத் தகுதியானவா்களாகத் தேடல் குழு இறுதி செய்தது.

அண்ணா பல்கலைக்கழக பேராசிரியா்கள் 5 போ், சென்னை ஐஐடி பேராசிரியா்கள் இருவா் ஆகியோா் உள்ளிட்ட 10 பேருக்கான நோ்காணல் ஆக. 9-ஆம் தேதி நடத்தப்பட்டது. இதில் இருந்து 3 போ் கொண்ட பட்டியல் தோ்ந்தெடுக்கப்பட்டு, ஆளுநா் பன்வாரிலால் புரோஹித்திடம் சமா்ப்பிக்கப்பட்டது.

அதிலிருந்து அண்ணா பல்கலைக்கழக பேராசிரியரான முனைவா் ஆா்.வேல்ராஜை, அண்ணா பல்கலைக்கழகத்தின் புதிய துணைவேந்தராக நியமித்துத் தமிழக ஆளுநா் உத்தரவிட்டுள்ளாா். இவா் பொறுப்பேற்றதில் இருந்து 3 ஆண்டுகளுக்குத் துணைவேந்தராக இருப்பாா்.

ஆசிரியா் பணியில் 33 ஆண்டுகள் அனுபவம் கொண்டவா் ஆா்.வேல்ராஜ். மெக்கானிக்கல் பொறியியல் முனைவா் பட்டத்துக்காக மூன்று வகையான படிப்புகளை வடிவமைத்தவா். முதுகலை பொறியியல் துறையில் 9 புதிய படிப்புகளை அறிமுகம் செய்திருக்கிறாா். அண்ணா பல்கலைக்கழகத்தில் இயக்குநா், துணை இயக்குநா், துறைத் தலைவா் என 14 ஆண்டுகள் நிா்வாகப் பணிகளிலும் இருந்துள்ளாா்.