அதிமுகவிலிருந்து அன்வா் ராஜாவை நீக்கியது சரியான நடவடிக்கைதான் என்று முன்னாள் அமைச்சா் டி.ஜெயக்குமாா் கூறினாா்.

அதிமுகவின் செயற்குழு கூட்டத்துக்குப் பிறகு முன்னாள் அமைச்சா் டி.ஜெயக்குமாா் கூறியது:

அதிமுகவில் இருந்து அன்வா் ராஜா நீக்கப்பட்டது சரியான நடவடிக்கை. உரிய நேரத்தில் இந்த முடிவு எடுக்கப்பட்டுள்ளது.

கட்சித் தலைமைக்கு எதிராகப் பேசுபவா்களை ஆரம்ப கட்டத்திலேயே கட்டுப்படுத்தாவிட்டால், எல்லோரும் பேசத் தொடங்கிவிடுவா். அதைக் கருத்தில் கொண்டுதான் அவா் நீக்கப்பட்டுள்ளாா் என்றாா்.

முன்னாள் அமைச்சா் செல்லூா் ராஜூவும், ‘அன்வா் ராஜாவை கட்சியிலிருந்து நீக்கியது சரியான நடவடிக்கை. கட்சித் தலைமைக்கு எதிராக யாரும் கருத்து கூறக் கூடாது’ என்று தெரிவித்தாா்.