காங்கயம்: திமுக அரசைக் கண்டித்து காங்கயம் அருகே, அதிமுகவினர் புதன்கிழமை கண்டன ஆர்ப்பாட்டத்தில் ஈடுபட்டனர்.

காங்கயம் ஒன்றியம், ஆலாம்பாடி ஊராட்சிக்கு உள்பட்ட நெய்க்காரன்பாளையம் பகுதியில் நடைபெற்ற இந்த ஆர்ப்பாட்டத்துக்கு அதிமுக காங்கயம் ஒன்றியச் செயலர் என்.எஸ்.என்.நடராஜ் தலைமை வகித்தார்.

இதில், நீட் தேர்வை ரத்து செய்வதாகக் கூறி தேர்தல் பிரசாரத்தில் பொய் வாக்குறுதியளித்து மாணவர்களை ஏமாற்றிய திமுக அரசைக் கண்டித்து, முழக்கங்கள் எழுப்பப்பட்டன.

மேலும், இதே வாக்குறுதியைக் கண்டித்து, அதிமுக கட்சியின் சார்பில் காங்கயம் ஒன்றியத்தில் உள்ள 15 ஊராட்சிகளிலும் கண்டன ஆர்ப்பாட்டம் நடைபெற்றது. இதில், அப்பகுதிகளைச் சேர்ந்த அதிமுக நிர்வாகிகள் கலந்துகொண்டனர்.