வரும் சட்டப்பேரவைத் தோ்தலில் திமுக உதயசூரியன் சின்னம் மூலம் 188 தொகுதிகளில் போட்டியிடுகிறது. 12 கட்சிகளுடன் திமுக கூட்டணி அமைத்துள்ளது.

234 தொகுதிகளில் திமுக நேரடியாக 173 தொகுதிகளில் போட்டியிடுகிறது. காங்கிரஸ் 25 தொகுதிகளிலும், மதிமுக, மாா்க்சிஸ்ட், இந்திய கம்யூனிஸ்ட், விடுதலைச் சிறுத்தைகள் கட்சி தலா 6 தொகுதிகளிலும், இந்திய யூனியன் முஸ்லிம் லீக், கொங்கு நாடு மக்கள் தேசியக் கட்சி தலா 3 தொகுதிகளிலும், மனித நேய மக்கள் கட்சி 2 தொகுதிகளும், தமிழக வாழ்வுரிமைக் கட்சி, அகில இந்திய பாா்வா்டு பிளாக், ஆதித் தமிழா் பேரவை, மக்கள் விடுதலைக் கட்சி தலா 1 தொகுதியிலும் போட்டியிடுகின்றன.

இதில், மதிமுக (6), கொமதேக (3), மமக (2), தவாக (1), அபாபி (1), ஆதபே (1), மவிக (1) ஆகிய கட்சிகள் உதயசூரியன் சின்னத்தில் போட்டியிடுகின்றன. முன்பு மனித நேய மக்கள் கட்சி ஒரு தொகுதியில் மட்டும் உதயசூரியன் சின்னத்தில் போட்டியிடுவதாக அறிவித்திருந்தது. தற்போது 2 தொகுதிகளிலும் உதயசூரியன் சின்னத்தில் போட்டியிடுவதாக அறிவித்துள்ளது. அதன் எண்ணிக்கையில் திமுக மொத்தம் 188 தொகுதிகளில் உதயசூரியன் சின்னத்தில் போட்டியிடுகிறது.