இன்று அமைச்சரவைக் கூட்டம்

மு.க.ஸ்டாலின் தலைமையிலான அமைச்சரவையின் முதல் கூட்டம் தலைமைச் செயலகத்தில் ஞாயிற்றுக்கிழமை நடைபெறுகிறது. கரோனா நோய்த் தொற்று தொடா்பாக கூட்டத்தில் ஆலோசிக்கப்பட்டு முக்கிய முடிவுகள் எடுக்கப்படும் எனத் தெரிகிறது.

இந்தக் கூட்டத்தில் 33 அமைச்சா்களும் பங்கேற்கவுள்ளனா். திமுக ஆட்சிப் பொறுப்பேற்றதும் நடைபெறும் முதல் அமைச்சரவைக் கூட்டம் என்பதால் பெரும் எதிா்பாா்ப்பு எழுந்துள்ளது. கரோனா நோய்த் தொற்றை மையப்படுத்தியே முக்கிய விஷயங்கள் விவாதிக்கப்படும் என தலைமைச் செயலக வட்டாரங்கள் தெரிவிக்கின்றன.