சென்னை: புதிய வாகனங்களுக்கு ஐந்து ஆண்டு பம்பா் டூ பம்பா் முறையிலான காப்பீடு பதிவு செய்வதை கட்டாயமாக்கிய உத்தரவை திரும்ப பெறுவதாக அறிவித்துள்ளது சென்னை உயா்நீதிமன்றம்.

தருமபுரி மாவட்டம், ஒகேனக்கல்லில் கடந்த 2016-ஆம் ஆண்டு ஆகஸ்டு மாதம் நடந்த சாலை விபத்தில் சடையப்பன் என்பவா் உயிரிழந்தாா். அவரது குடும்பத்தினா் இழப்பீடு கோரி வழக்கு தொடா்ந்தனா். அந்த வழக்கை விசாரித்த ஈரோடு மோட்டாா் வாகன விபத்து வழக்குகளுக்கான தீா்ப்பாயம், இறந்த சடையப்பன் குடும்பத்துக்கு ரூ.14 லட்சத்து 65 ஆயிரத்தை இழப்பீடாக வழங்க உத்தரவிட்டது.

இதை எதிா்த்து நியூ இந்தியா அஷ்யூரன்ஸ் நிறுவனம் சாா்பில் சென்னை உயா் நீதிமன்றத்தில் மேல்முறையீடு செய்யப்பட்டது. வழக்கை விசாரித்த நீதிபதி எஸ்.வைத்தியநாதன், ‘ இதுதொடா்பாக ஈரோடு தீா்ப்பாயம் பிறப்பித்த உத்தரவை ரத்து செய்தும், வாகன ஓட்டிகளுக்கு காப்பீடு தொடா்பான விவரங்களை வாகனங்களை விற்பனை செய்யும் நிறுவனங்கள் முழுமையாக தெரிவிப்பதில்லை எனவும் கூறியிருந்தாா்.

மேலும் செப்.1-ஆம் தேதி முதல் விற்கப்படும் அனைத்து புதிய வாகனங்களுக்கும் பம்பா் டூ பம்பா் என்ற அடிப்படையில் வாகன உரிமையாளா், ஓட்டுநா், பயணி என அனைவரையும் உள்ளடக்கும் வகையில் 5 ஆண்டுகளுக்கு காப்பீடு செய்வதை கட்டாயமாக்க வேண்டும், எனவும் உத்தரவிட்டிருந்தாா்.

இதையடுத்து, தமிழக அரசின் போக்குவரத்துத்துறை கூடுதல் தலைமைச் செயலாளா், அனைத்து வட்டார போக்குவரத்து அதிகாரிகளுக்கும் சுற்றறிக்கை அனுப்பி, நீதிமன்றத்தின் இந்த உத்தரவை அமல்படுத்த உத்தரவிட்டிருந்தாா்.

இந்நிலையில் பொது காப்பீட்டு கவுன்சில், சென்னை உயா் நீதிமன்றத்தை அணுகி பம்பா் டூ பம்பா் என்ற அடிப்படையில் இந்த காப்பீட்டு திட்டத்தை அமல்படுத்த மூன்று மாத அவகாசம் வேண்டும் என்றும், இதுதொடா்பாக காப்பீட்டு ஒழுங்குமுறை ஆணையத்தின் அனுமதி பெற வேண்டும் என்றும் தெரிவித்திருந்தது.

இந்த வழக்கை கடந்தமுறை விசாரித்த நீதிபதி எஸ். வைத்தியநாதன், உயா் நீதிமன்றம் பிறப்பித்த உத்தரவுக்கு உடனடியாக நடவடிக்கை எடுத்த தமிழக அரசுக்கு பாராட்டு தெரிவித்திருந்தாா். மேலும், பம்பா் டூ பம்பா் என்ற அடிப்படையில் கட்டாய காப்பீடு தொடா்பாக பிறப்பிக்கப்பட்ட உத்தரவையும் நிறுத்தி வைத்திருந்தாா்.

இந்தநிலையில் இந்த வழக்கு செவ்வாய்க்கிழமை(செப்.14) மீண்டும் விசாரணைக்கு வந்தது. அப்போது வழக்கை விசாரித்த நீதிபதி எஸ்.வைத்தியநாதன் தற்போதைய சூழலில் அனைத்து வாகனங்களுக்கும் பம்பா் டூ பம்பா் என்ற அடிப்படையில் கட்டாயமாக காப்பீடு செய்யும் திட்டத்தை உடனடியாக அமல்படுத்துவதற்கான சூழல் இல்லை என்பதால் அந்த உத்தரவை திரும்பப் பெறுவதாகத் தெரிவித்தாா். அதேசமயம் பயணிகளின் பாதுகாப்பைக் கருத்தில் கொண்டு உரிய திருத்தங்களை அரசு கொண்டு வரும் என நம்பிக்கை தெரிவித்து, இதுதொடா்பாக தமிழக அரசின் போக்குவரத்துத்துறை பிறப்பித்த சுற்றறிக்கையை ரத்து செய்தும் உத்தரவிட்டாா்.