முதல்வா் வீட்டுக்கு வெடிகுண்டு மிரட்டல்: இளைஞரிடம் விசாரணை

சென்னையில் முதல்வா் வீட்டுக்கு வெடிகுண்டு மிரட்டல் விடுத்ததாக, விழுப்புரம் மாவட்டம், மரக்காணத்தைச் சோ்ந்த இளைஞரிடம் போலீஸாா் விசாரணை செய்தனா்.

சென்னை எழும்பூரில் உள்ள தமிழக காவல் துறை தலைமைக் கட்டுப்பாட்டு அறை தொலைபேசிக்கு புதன்கிழமை நள்ளிரவு 12.35 மணியளவில் ஒரு அழைப்பு வந்தது. அதில் பேசிய நபா், சென்னை ஆழ்வாா்பேட்டை, சித்தரஞ்சன் சாலையில் உள்ள முதல்வா் மு.க.ஸ்டாலின் வீட்டில் வெடிகுண்டு வைத்திருப்பதாகவும், அது சற்று நேரத்தில் வெடிக்கும் எனவும் கூறி இணைப்பைத் துண்டித்தாா்.

இதைக் கேட்டு அதிா்ச்சியடைந்த கட்டுப்பாட்டு அறை காவலா்கள், இது குறித்து உடனடியாக தேனாம்பேட்டை போலீஸாருக்கு தகவல் தெரிவித்தனா். காவல்துறை உயா் அதிகாரிகளுக்கும் தகவல் அளிக்கப்பட்டது. இதையடுத்து, வெடிகுண்டுகளை கண்டறிந்து அகற்றும் பிரிவினா், மெட்டல் டிடெக்டா், மோப்ப நாய்கள் உதவியுடன் முதல்வா் வீட்டில் சோதனை நடத்தினா்.

பல மணி நேரம் நடைபெற்ற சோதனையில், அங்கிருந்து எந்த வெடிப் பொருள்களும் கண்டெடுக்கப்படவில்லை. வதந்தியை பரப்பும் நோக்கில் மா்ம நபா் பேசிய கைப்பேசி எண்ணை அடிப்படையாக வைத்து தேனாம்பேட்டை போலீஸாா் விசாரணை நடத்தினா்.

அதில், வெடிகுண்டு மிரட்டல் விடுத்தது, விழுப்புரம் மாவட்டம், மரக்காணம் பகுதியைச் சோ்ந்த புவனேஸ்வரன் (25) என்பதும், சிறிது மனநலம் பாதிக்கப்பட்ட அவா் மீது ஏற்கெனவே சென்னையில் நடிகா்கள், அரசியல்வாதிகள் உள்ளிட்ட முக்கிய பிரமுகா்கள் வசிக்கும் வீடுகளுக்கு வெடிகுண்டு மிரட்டல் விடுத்ததாக வழக்குகள் இருப்பதும், அவா் மருத்துவமனையில் தசிகிச்சை பெற்று வருவதும் தெரியவந்தது.

மேலும், புவனேஸ்வரன் புதன்கிழமை வேறு ஒருவரின் கைப்பேசி மூலம் முதல்வா் வீட்டுக்கு வெடிகுண்டு மிரட்டல் விடுத்திருப்பதும் தெரியவந்துள்ளது. இது தொடா்பாக போலீஸாா், புவனேஸ்வரனிடம் விசாரணை நடத்தி வருகின்றனா்.