பாஜக மாநிலச் செயலர் சி.கே.தீனா உள்பட முக்கிய நிர்வாகிகள் முதல்வரும், திமுக தலைவருமான மு.க.ஸ்டாலின் முன்னிலையில் இன்று திமுகவில் இணைந்தனர்!
இதுகுறித்து திமுக தலைமைக்கழகம் வெளியிட்ட அறிக்கையில், முதல்வரும், திமுக தலைவருமான மு.க.ஸ்டாலின் முன்னிலையில், இன்று (24.12.2022) காலை, அண்ணா அறிவாலயத்தில் உள்ள கட்சி அலுவலகத்தில், பா.ஜ.க. மாநிலச் செயலாளர் சி.கே.தீனா மற்றும் கிருஷ்ணகிரி கிழக்கு மாவட்டச் செயலாளர் எம்.திவ்யா மகேந்திரன் ஆகியோர் தலைமையில்,  கிருஷ்ணகிரி கிழக்கு மாவட்ட பா.ஜ.க.வைச் சேர்ந்த  மாவட்ட துணைத் தலைவர் சிவராமன் – மாவட்ட துணைச் செயலாளர் ஏ.எம்.முருகன் – மாவட்ட தகவல் தொழில்நுட்ப பிரிவு தலைவர் மகேந்திரன் – மாவட்ட சிறுபான்மை பிரிவு செயலாளர் சையத் ஹேசான் – அமைப்புசாரா தொழிலாளர் அணி மாவட்டச் செயலாளர் ஏ.எஸ்.மாரியப்பன் – பர்கூர் ஒன்றிய இளைஞர் அணி துணைத்தலைவர் என்.பாலாஜி – ஊத்தங்கரை விவசாய அணி ஒன்றியச் செயலாளர் சிவாஜி – காவேரிப்பட்டிணம் ஒன்றிய ஓ.பி.சி. அணி செயலாளர் எஸ்.செந்தில்குமார் - கிருஷ்ணகிரி நகர மாணவர் அணித் தலைவர் கே.எம்.தினேஷன் ஆகியோர் பா.ஜ.க.விலிருந்து விலகி தி.மு.க.வில் இணைந்தனர்.   

இதையும் படிக்க- ஆஸ்திரேலிய கிரிக்கெட் வாரியம் எந்த ஆதரவும் அளிக்கவில்லை: மனம் திறந்த டேவிட் வார்னர்

அதுபோது, கட்சிப் பொதுச்செயலாளர் துரைமுருகன், பொருளாளர் டி.ஆர்.பாலு, எம்.பி., இணை அமைப்புச் செயலாளர் அன்பகம் கலை, இராணிப்பேட்டை மாவட்டக் கழகச் செயலாளர் இராணிப்பேட்டை ஆர்.காந்தி, திருவண்ணாமலை தெற்கு மாவட்டச் செயலாளர் எ.வ.வேலு, செய்தி தொடர்பு தலைவர் டி.கே.எஸ்.இளங்கோவன், கிருஷ்ணகிரி கிழக்கு மாவட்டச் செயலாளர் தே.மதியழகன், எம்.எல்.ஏ.,  தலைமை நிலைய அலுவலகச் செயலாளர்கள் துறைமுகம் காஜா, பூச்சி எஸ்.முருகன், மாநில விவசாய அணி துணைச் செயலாளர் டேம் வெங்கடேசன் கிருஷ்ணகிரி கிழக்கு மாவட்ட அவைத்தலைவர் டி.ஏ.நாகராஜ், மாவட்ட பொருளாளார் ப.கதிரவன், ஒன்றியச் செயலாளர்கள் வி.ஜி.ராஜேந்திரன், பி.கோவிந்தன், டி.தனசேகரன், குண வசந்தரசு, எம்.அறிஞர், எஸ்.குமரசேன் ஆகியோர் உடனிருந்தனர்.
இதேபோல், தே.மு.தி.க.வைச் சேர்ந்த கிருஷ்ணகிரி கிழக்கு மாவட்டச் செயலாளர் பி.டி.அன்பரசன் தலைமையில் மாவட்ட, ஒன்றிய, நகர, பேரூர் நிர்வாகிகள் – அணி நிர்வாகிகள் என 150க்கும் மேற்பட்ட தே.மு.தி.க. நிர்வாகிகள் தி.மு.க.வில் இணைந்தனர்.