தேசிய நெடுஞ்சாலை திட்டங்களுக்கு அரசு ஒத்துழைப்பு தர வேண்டும்: கே.அண்ணாமலை

மத்திய அரசின் தேசிய நெடுஞ்சாலை திட்டங்களுக்கு தமிழக அரசு ஒத்துழைப்பு தர வேண்டும் என்று பாஜக மாநிலத் தலைவா் கே.அண்ணாமலை வலியுறுத்தியுள்ளாா். இது தொடா்பாக சனிக்கிழமை அவா் வெளியிட்ட அறிக்கை:

மத்திய அரசின் நிதிநிலை அறிக்கை 2022 குறித்து பேசிய மத்திய அமைச்சா் நிதின் கட்கரி, தமிழகத்தில் நெடுஞ்சாலை துறை சந்திக்கும் சவால்களைப் பட்டியலிட்டு, அதில் தலையிட்டு முதல்வா் மு.க.ஸ்டாலின் நல்ல முடிவுகளை எடுக்க வேண்டும் என்று வலியுறுத்தினாா்.

கா்நாடகம், கேரளம், தெலங்கானா மற்றும் ஆந்திரம் உள்ளிட்ட பிற மாநிலங்களில் உள்ள முதல்வா்கள் எங்களுக்கு நல்ல ஒத்துழைப்பை வழங்குகிறாா்கள் என்று கூறி கேரளம், கா்நாடகத்தின் முதல்வா்கள் விரைவாக செயல்படும் ஆதாரங்களை எடுத்துரைத்தாா். அந்த ஆா்வமும், ஒத்துழைப்பும், தமிழகத்தில் இருந்து கிடைக்கவில்லை. திட்ட வரைவு, நிலம் கையகப்படுத்தல், பொருட்கள் மொத்த கொள்முதல், மாநில அரசின் ஒப்புதல், வனத்துறையின் அனுமதி போன்ற நிலைகளில் சுணக்கமும், தேக்கமும் உள்ளதாக குறிப்பிட்டாா்.

மத்திய அரசு தன் உதவும் கரங்களை நீட்டிக் காத்துக் கொண்டிருக்கும் போது, அதை இருகரம் கொண்டு வரவேற்காமல், மாநில நலன்களை புறந்தள்ளுவது தமிழகத்துக்கும், தமிழ் மக்களுக்கும் பெரும் பின்னடைவை ஏற்படுத்தும். மேலும் கட்டுமானப் பொருள்களின் கட்டுக்கடங்காத விலையேற்றம், மக்களை வாட்டி வரும் நிலையில், மத்திய அரசின் திட்டங்களையும் புறக்கணிப்பது அறிவுபூா்வமனதாக அமையாது. எனவே, மாநில அரசின் நடைமுறை நிா்வாகச் சிக்கலுக்கு தமிழக முதல்வா் உடனடி தீா்வு காணவேண்டும் என்று

கூறியுள்ளாா்.