உடல் பருமனால் பாா்வை இழப்பு நேரிடும்: எச்சரிக்கும் மருத்துவா்கள்

உடல் பருமனால் கடுமையான தலைவலி மற்றும் பாா்வை இழப்பு ஏற்படுவதாக காவேரி மருத்துவமனை மருத்துவா்கள் எச்சரித்துள்ளனா்.

தங்களது மருத்துவமனையில் அனுமதிக்கப்பட்ட வளரிளம் பருவ சிறுமிகள் அத்தகைய சூழலை எதிா்கொண்டதாகவும், இதுதொடா்பான விழிப்புணா்வு சமூகத்தில் அதிகரிக்க வேண்டும் என்றும் அவா்கள் வலியுறுத்தியுள்ளனா்.

இதுகுறித்து காவேரி மருத்துவமனையின் பக்கவாதம் மற்றும் மூளை ரத்தநாள மருத்துவ நிபுணா் சிவராஜன் தண்டீஸ்வரன் கூறியதாவது:

அண்மையில் சென்னையை சோ்ந்த 11வயது சிறுமி ஒருவா் கடுமையான தலைவலியுடன் மருத்துவமனைக்கு வந்தாா். அவருக்கு வாந்தி மற்றும் கண் பாா்வை பாதிப்புகள் இருந்தன. அதைத் தொடா்ந்து மேற்கொள்ளப்பட்ட பரிசோதனையில் கண் பகுதிக்குள் உள்ள நரம்பில் வீக்கம் இருப்பது தெரிய வந்தது.

சிடி ஸ்கேன் பரிசோதனையில் தலைப் பகுதிக்குள் ஏற்பட்ட மிகையழுத்த பாதிப்பால், மூளையை சுற்றி இருக்கும் நீா்மத்தில் அழுத்தம் அதிகரித்திருந்தது.

இதையடுத்து சிறுமியின் கீழ்முதுகுத்தண்டு பகுதியில் துளையிட்டு அதிகமாக இருந்த நீா்மம் எதிா்விளைவுகளின்றி வெளியேற்றப்பட்டது. அதன் பின்னா் அவருக்கு அளிக்கப்பட்ட தொடா் சிகிச்சையின் பயனாக சிறுமியன் தலைவலி பிரச்னையும், பாா்வைக் கோளாறும் சரி செய்யப்பட்டன.

அதேபோன்று 29 வயதான இளம்பெண் ஒருவரும், பாா்வைத் திறன் பிரச்னை, கடும் தலைவலி, வாந்தி உள்ளிட்ட பிரச்னைகளுடன் காவேரி மருத்துவமனைக்கு வந்தாா். பரிசோதனையில் அவருக்கும் மூளை நீா்ம அழுத்த பாதிப்பு இருந்தது கண்டறியப்பட்டது. இதையடுத்து சிறுமிக்கு அளித்த சிகிச்சை முறையே அவருக்கும் அளிக்கப்பட்டது.

இவ்விரு நோயாளிகளுக்கும் உள்ள பொதுவான ஒரு விஷயம் உடல் பருமன்தான்.

உடல் எடை அதிகமாக இருப்பவா்களுக்கு மாா்பு பகுதியில் ஏற்படும் அழுத்தம் காரணமாக, மூளை உட்புறத்திலுள்ள நீா்மத்தின் அழுத்தம் உயா்கிறது. இதுபோன்ற பாதிப்பை தடுக்க, உடல்பருமனை பெண்கள் கட்டுக்குள் வைத்திருக்க உடற்பயிற்சிகளை செய்ய வேண்டும் என்றாா் அவா்.