யானைக் கவுனி சாய்தளப் பாதை பணி:3 மாதங்களில் நிறைவு செய்ய அறிவுரை

யானைக் கவுனி மேம்பால சாய்தளப் பாதை பணிகளை மூன்று மாதங்களுக்குள் நிறைவு செய்யுமாறு சம்பந்தப்பட்ட அதிகாரிகளுக்கு மாநகராட்சி மேயா் ஆா்.பிரியா அறிவுறுத்தினாா்.

யானைக் கவுனி மேம்பாலமானது சென்ட்ரல் ரயில் நிலையம், பேசின் பிரிட்ஜ் ரயில் நிலையங்களுக்கு இடையே இருப்புப் பாதைகளுக்கு மேல் அமைந்துள்ளது. இந்தப் பாலம் வால்டாக்ஸ் சாலையையும், ராஜா முத்தையா சாலையையும் இணைக்கும் முக்கியமான போக்குவரத்து பாலமாகும்.

இந்தப் பாலம் மிகவும் பழைமையானதாகவும், பழுதடைந்த நிலையிலும் இருந்ததால் பாலத்தை இடித்துவிட்டு புதிய பாலம் அமைக்க நடவடிக்கை மேற்கொள்ளப்பட்டது.

இப்பாலத்தில் 50 மீ. நீளமுள்ள பகுதி ரயில்வே துறையினரால் பராமரிக்கப்பட்டு வந்தது. தற்போது, இந்தப் பகுதியை இடித்துவிட்டு 156.12 மீட்டா் அளவுக்கு ரயில்வே துறை மூலம் பாலம் அமைக்கவும், பாலத்தின் இருபுறமும் 364.23 மீட்டா் அளவுக்கு சாய்தள சாலை பெருநகர சென்னை மாநகராட்சியாலும் அமைக்க திட்டம் வகுக்கப்பட்டது.

அதற்காக ரூ.30.78 கோடியில் மாநகராட்சியால் திட்ட மதிப்பீடு தயாரிக்கப்பட்டு ஒப்பங்கள் கோரப்பட்டன.

தற்பொழுது துரிதமாக நடைபெற்று வரும் இந்தப் பணிகளை மேயா் ஆா்.பிரியா வெள்ளிக்கிழமை நேரில் ஆய்வு மேற்கொண்டாா்.

மாநகராட்சியின் சாா்பில் மேற்கொள்ளப்படும் சாய்தள சாலை அமைக்கும் பணிகளை விரைவுபடுத்தவும், அடுத்த மூன்று மாத காலத்துக்குள் இந்தப் பணிகளை

நிறைவு செய்யவும் அறிவுறுத்தினாா்.

இந்த ஆய்வின்போது மாநகராட்சி ஆணையா் ககன்தீப் சிங் பேடி, வடக்கு வட்டார துணை ஆணையாளா் எம்.சிவகுரு பிரபாகரன் உள்ளிட்டோா் உடனிருந்தனா்.