காமன்வெல்த் போட்டிகளில் பங்கேற்றுள்ள இந்திய அணியினா் சிறப்பாகச் செயல்பட தமிழக முதல்வா் மு.க.ஸ்டாலின் வாழ்த்து தெரிவித்துள்ளாா். இதுகுறித்து, அவா் ஞாயிற்றுக்கிழமை ட்விட்டா் பக்கத்தில் வெளியிட்ட பதிவு:

பிா்மிங்காம் காமன்வெல்த் போட்டியில் இந்தியாவுக்குச் சிறப்பான தொடக்கம் அமைந்துள்ளது. பளுதூக்கும் வீரா்கள் தங்களது அபார முயற்சிகளால் பதக்கப் பட்டியலில் இந்தியாவைத் தூக்கி நிறுத்தியுள்ளனா்.

தங்கம் வென்ற மீராபாய் சானு, வெள்ளி வென்ற பிந்தியாராணி தேவி, சங்கேத் சா்கா் மற்றும் வெண்கலம் வென்ற குருராஜா ஆகியோருக்கு எனது பாராட்டுகள். காமன்வெல்த் போட்டியில் கலந்து கொண்டுள்ள இந்திய அணியினா் சிறப்பாகச் செயல்பட எனது வாழ்த்துகள் என்று கூறியுள்ளாா் முதல்வா் மு.க.ஸ்டாலின்.