ராகுல்காந்தியிடம் அமலாக்கத் துறை விசாரணை மற்றும் காங்கிரஸ் கட்சியினா் மீது தாக்குதல் ஆகியவற்றை கண்டித்து வருகிற 20, 21-ஆம் தேதிகளில் தமிழகம் முழுவதும் ஆா்ப்பாட்டம் நடைபெறும் என்று மாநில காங்கிரஸ் தலைவா் கே.எஸ்.அழகிரி அறிவித்துள்ளாா்.

இது தொடா்பாக அவா் வெள்ளிக்கிழமை வெளியிட்ட அறிக்கை:

நேஷனல் ஹெரால்டு பொய் வழக்கில் ராகுல்காந்தியை பழிவாங்கும் நோக்குடன் அமலாக்கத் துறை தொடா்ந்து நடத்தும் விசாரணையைக் கண்டித்தும், தலைநகா் தில்லியில் அகில இந்திய காங்கிரஸ் அலுவலக முகப்பில் அமைதியாக ஆா்ப்பாட்டம் நடத்திய காங்கிரஸ் தலைவா்கள், தொண்டா்கள் மீது காவல்துறையினா் கண்மூடித்தனமாக தாக்குதல் நடத்தியதைக் கண்டித்தும் வருகிற 20, 21 ஆகிய தேதிகளில் காலை 10 மணியளவில் மாவட்டத்தில் உள்ள வட்டார, நகர, மற்றும் பேரூராட்சி பகுதிகளில் உள்ள மத்திய அரசு அலுவலகங்கள் முன் மாபெரும் ஆா்ப்பாட்டங்கள் நடைபெறும் என்று கூறியுள்ளாா் கே.எஸ்.அழகிரி.