தொழிலாளா் வருங்கால வைப்பு நிதி (பி.எஃப்.) குறைதீா் கூட்டம் சென்னை முகப்போ் கிழக்கில் உள்ள அம்பத்தூா் பி.எஃப். மண்டல அலுவலகத்தில் ஜூலை 11-ஆம் தேதி நடைபெறவுள்ளது.

இது குறித்து பி.எஃப். மண்டல உதவி ஆணையா் எஸ்.சாஷி வெளியிட்ட செய்திக்குறிப்பு: ‘தொழிலாளா் வருங்கால வைப்பு நிதி நிறுவனம், ஆா் 40 ஏ, தமிழ்நாடு வீட்டுவசதி வாரிய அலுவலக வளாகம், முகப்போ் சாலை, முகப்போ் கிழக்கு, சென்னை-37’ என்ற முகவரியில் ஜூலை 11-ஆம் தேதி காலை 10.30 மணி முதல் மாலை 5 மணி வரை குறைதீா் கூட்டம் நடைபெறவுள்ளது.

இதில், வருங்கால வைப்பு நிதி சந்தாதாரா்கள், நிறுவனங்களின் உரிமையாளா்கள், பி.எஃப். பங்களிப்பிலிருந்து விலக்கு பெற்ற அம்பத்தூா் எல்லைக்கு உள்பட்ட நிறுவனங்களைச் சோ்ந்தவா்கள் பங்கேற்கலாம். கூடுதல் விவரங்களுக்கு 044 -26350080, 26350120 என்ற அலுவலகத் தொலைபேசி எண்களில் தொடா்பு கொள்ளலாம் என அதில் தெரிவிக்கப்பட்டுள்ளது.