தமிழக முதல்வர் மு.க.ஸ்டாலின் பிறந்தநாள் விழா சாத்தூர் நகர, ஒன்றிய கழகம் சார்பில் அன்னதானம் வழங்கி கொண்டாடப்பட்டது.
தமிழக முதல்வர் மு.க.ஸ்டாலின் பிறந்த நாள் விழா திமுகவினர் விமர்சையாக கொண்டாடி வருகின்றனர். இதன் ஒரு பகுதியாக விருதுநகர் மாவட்டம் சாத்தூரில் உள்ள திமுக நகர, ஒன்றிய கழகம் சார்பில் தமிழக முதல்வரும், திமுக தலைவருமான மு.க.ஸ்டாலின் பிறந்தநாள் கொண்டாடப்பட்டது.
இந்த பகுதியில் நடைபெற்ற பிறந்தநாள் விழாவில் சாத்தூர் சட்டமன்ற உறுப்பினர் ஏ.ஆர்.ஆர்.ரகுராமன், திமுக நகர செயலாளர் குருசாமி, மேற்கு ஒன்றிய செயலாளர் கடற்கரை ராஜ் ஆகியோர் தலைமையில் திமுகவினர் திமுக கொடியை ஏற்றி, கேக் வெட்டி இனிப்புகள் வழங்கி பொதுமக்களுக்கு அன்னதானம் வழங்கினார்கள்.
இந்நிகழ்ச்சியில் திமுக, மதிமுக, காங்கிரஸ், கம்யூனிஸ்ட், விடுதலை சிறுத்தை உள்ளிட்ட கூட்டணி கட்சி நிர்வாகிகள் என ஏராளமானோர் கலந்து கொண்டனர்.