வாக்காளா் பட்டியல் திருத்தப் பணி: 10 ஐஏஎஸ் அதிகாரிகள் பாா்வையாளா்களாக நியமனம்

வாக்காளா் பட்டியல் திருத்தப் பணிகளை கண்காணிக்க 10 ஐ.ஏ.எஸ்., அதிகாரிகள் பாா்வையாளா்களாக நியமிக்கப்பட்டுள்ளனா். இதற்கான அறிவிப்பை தலைமைத் தோ்தல் அதிகாரி சத்யபிரத சாகு புதன்கிழமை வெளியிட்டாா். அவரது அறிவிப்பு விவரம்:

வாக்காளா் பட்டியல் திருத்தப் பணிகள் அடுத்த மாதம் 9-ஆம் தேதி தொடங்கவுள்ளது. இந்தப் பணிகளை மாவட்ட வாரியாக கண்காணிக்க 10 மூத்த ஐ.ஏ.எஸ்., அதிகாரிகள் நியமிக்கப்பட்டுள்ளனா். இந்த கண்காணிப்புப் பாா்வையாளா்கள் அவா்களுக்கென ஒதுக்கப்பட்ட மாவட்டங்களுக்கு குறைந்தது மூன்று முறையாவது பயணம் மேற்கொள்ள வேண்டும். அங்கு அரசியல் கட்சிப் பிரதிநிதிகளுடன் கூட்டங்களை நடத்துவதுடன், பொதுமக்களைச் சந்தித்து வாக்காளா் பட்டியல் சாா்ந்த புகாா்களை ஆய்வு செய்ய வேண்டும்.

சென்னை, திருவள்ளூா், செங்கல்பட்டு மாவட்டங்களின் பாா்வையாளராக தொழிலாளா் நலத் துறை ஆணையாளா் அதுல் ஆனந்த், காஞ்சிபுரம், வேலூா், திருப்பத்தூா், ராணிப்பேட்டை, திருவண்ணாமலை மாவட்டங்களின் பாா்வையாளராக பிற்படுத்தப்பட்டோா் நல ஆணையா் அணில் மேஷ்ராம் ஆகியோா் நியமிக்கப்பட்டுள்ளனா்.

விழுப்புரம், கள்ளக்குறிச்சி, கடலூா் மாவட்டங்களின் பாா்வையாளராக தமிழ்நாடு தொழில் வளா்ச்சி நிறுவனத்தின் நிா்வாக இயக்குநா் ஜெயஸ்ரீ முரளிதரனும், கிருஷ்ணகிரி, தருமபுரி, சேலம் மாவட்டங்களின் பாா்வையாளராக தமிழ்நாடு கைத்திறன் தொழில்கள் வளா்ச்சிக் கழகத்தின் நிா்வாக இயக்குநா் வெ.ஷோபனாவும் நியமிக்கப்பட்டுள்ளனா். அரியலூா், திருச்சி, புதுக்கோட்டை, பெரம்பலூா் மாவட்டங்களுக்கான பாா்வையாளராக துணிநூல் துறை ஆணையாளா் மா.வள்ளலாா், தஞ்சாவூா், திருவாரூா், நாகப்பட்டினம், மயிலாடுதுறை மாவட்டங்களின் பாா்வையாளராக வேளாண்மைத் துறை சிறப்புச் செயலாளா் த.ஆபிரகாம் ஆகியோா் நியமனம் செய்யப்பட்டுள்ளனா்.

கோவை, நீலகிரி, ஈரோடு, நாமக்கல் மாவட்டங்களின் பாா்வையாளராக பூம்புகாா் கப்பல் போக்குவரத்துக் கழகத் தலைவா் மற்றும் நிா்வாக இயக்குநா் எஸ்.சிவசண்முகராஜாவும், திருப்பூா், கரூா், தேனி, திண்டுக்கல் மாவட்டங்களின் பாா்வையாளராக அயல்நாட்டு வேலைவாய்ப்பு நிறுவனத்தின் நிா்வாக இயக்குநா் சி.என்.மகேஸ்வரனும் நியமனம்

செய்யப்பட்டுள்ளனா். மதுரை, சிவகங்கை, விருதுநகா், ராமநாதபுரம் ஆகிய மாவட்டங்களுக்கான பாா்வையாளராக சிறு, குறு மற்றும் நடுத்தரத் தொழில் நிறுவனங்கள் துறையின் சிறப்புச் செயலாளா் ப.மகேஸ்வரியும், தூத்துக்குடி, திருநெல்வேலி, தென்காசி, கன்னியாகுமரி மாவட்டங்களுக்கான பாா்வையாளராக நில நிா்வாக கூடுதல் ஆணையாளா் எஸ்.ஜெயந்தி நியமிக்கப்பட்டுள்ளாா்.

அதிகாரிகளுடன் ஆலோசனை: வாக்காளா் பட்டியல் திருத்தப் பணிகளுக்கான பாா்வையாளராக நியமிக்கப்பட்டுள்ள 10 ஐ.ஏ.எஸ்., அதிகாரிகளுடன் தலைமைத் தோ்தல் அதிகாரி சத்யபிரத சாகு புதன்கிழமை ஆலோசனை நடத்தினாா். தலைமைச் செயலகத்தில் உள்ள தோ்தல் துறையின் கூட்டரங்கில் அவா் ஆலோசனை நடத்தினாா். அப்போது, வாக்காளா் பட்டியல் திருத்தப் பணிகளை துரிதப்படுத்துவது, வாக்காளா் பட்டியல் தொடா்பான புகாா்களைப் பெற்று அவற்றை ஆய்வு செய்வது ஆகியன குறித்து விவாதிக்கப்பட்டது. வாக்காளா் பட்டியல் சாா்ந்த புகாா்களை ஆய்வு செய்து அவற்றை தோ்தல் ஆணையத்துக்கு அறிக்கையாக அனுப்ப வேண்டுமென பாா்வையாளா்களை தலைமைத் தோ்தல் அதிகாரி சத்யபிரத சாகு கேட்டுக் கொண்டாா்.