திமுக தலைவர் தேர்தலுக்கான வேட்புமனு தாக்கல் அக்.7-ல் நடைபெறும் என்று திமுக பொதுச்செயலாளர் துரைமுருகன் தெரிவித்துள்ளார்.

அக்டோபர் 9 ஆம் தேதி திமுக பொதுக்குழு கூட்டம் நடைபெறும் என்று திமுக பொதுச்செயலாளர் துரைமுருகன் அறிவித்து இருந்தார்.

திமுக தலைவர், பொதுச்செயலாளர், பொருளாளர் ஆகியோர்களுக்கான தேர்தல் மற்றும் தணிக்கைக்குழு உறுப்பினர்களை தேர்வு செய்வதற்காக வரும் அக்டோபர் 9-ம் தேதி பொதுக்குழு உறுப்பினர்கள் கூட்டம் நடைபெறும்.

திமுகவின் 15-வது பொதுத் தேர்தலில் புதியதாக தேர்ந்தெடுக்கப்பட்ட பொதுக்குழு உறுப்பினர்களின் கூட்டம் 9.10.2022 ஞாயிற்றுக்கிழமை காலை 9 மணிக்கு சென்னை அமைந்தகரை, பச்சையப்பன் கல்லூரி எதிரில் உள்ள "செயின்ட் ஜார்ஜ் பள்ளி விங்க்ஸ் கன்வென்ஷன் சென்டரில்" நடைபெறும் என்று துரைமுருகன் தெரிவித்தார்.

திமுக தலைவர், பொதுச்செயலாளர், பொருளாளர் ஆகியோர்களுக்கான வேட்புமனுக்கள் அக்டோபர் 7 ஆம் தேதி காலை 10 முதல் மாலை 5 மணி வரையில் தலைமைக் கழகத்தில் பெற்றுக் கொள்ளப்படும்.

இதையும் படிக்க: வந்தே பாரத் எக்ஸ்பிரஸ் ரயிலை தொடங்கிவைத்து பயணம் செய்த பிரதமர் மோடி

அனைத்து நடைமுறைகளிலும் கழகத் தேர்தல் விதிமுறைகளைக் கடைபிடிக்க வேண்டும் என்று துரைமுருகன் தெரிவித்துள்ளார்.