மீண்டும் 41 ஆயிரத்தை நெருங்கும் ஒரு சவரன் தங்கம்!

சென்னையில் ஒரு சவரன் தங்கத்தின் விலை இன்று மேலும் உயர்ந்து ரூ.40,920 ஆக விற்பனை செய்யப்படுகிறது. 

தங்கத்தின் விலை கடந்த சில வாரங்களாக ஏற்றம் கண்டு வருகிறது. கடந்த வாரத்தில் அதிகபட்சமாக டிச.14ஆம் தேதி ஒரு சவரன் தங்கம் ரூ.40,840-க்கு விற்பனை செய்யப்பட்டது. தங்கம் விலை அவ்வப்போது ஏற்ற இறக்கம் கண்டுவருவது தொடர்ந்து நிகழ்ந்து வருகிறது. 

அந்தவகையில். டிசம்பர் 30-ம் தேதியான இன்று சென்னையில் 22 கேரட் ஆபரணத் தங்கத்தின் விலை கிராமுக்கு ரூ.20 உயர்ந்து ஒரு கிராம் தங்கம் ரூ.5,115 ஆக விற்பனை செய்யப்படுகிறது. இதன்மூலம் சவரனுக்கு ரூ.160 உயர்ந்து ஒரு சவரன் ரூ.40,920 ஆக விற்பனை செய்யப்படுகிறது.

படிக்க: பிரதமர் மோடியின் தாயார் ஹீராபென் உடல் தகனம்

அதேசமயம், வெள்ளியின் விலை கிராமுக்கு ரூ.50 காசுகள் உயர்ந்து ரூ.74.50 ஆகவும், ஒரு கிலோவுக்கு ரூ.500 உயர்ந்து ரூ.74,500க்கும் விற்பனை செய்யப்படுகிறது.