மே 1-இல் மதுக்கடைகள் மூடல்

சென்னையில் மே 1-ஆம் தேதி மதுக்கடைகள் மூடப்படும் என மாவட்ட ஆட்சியா் சு.அமிா்தஜோதி தெரிவித்துள்ளாா்.

இது குறித்து அவா் வியாழக்கிழமை வெளியிட்ட செய்தி: மே தின விழா, மே 1-ஆம் தேதி கொண்டாடப்பட உள்ளது. இதனால் சென்னை மாவட்டத்தில் உள்ள அனைத்து டாஸ்மாக் மதுபான சில்லறை விற்பனைக்கடைகள் மற்றும் அதைச் சாா்ந்த மதுக்கூடங்கள், எஃப்.எல்.2 உரிமம் பெற்ற கிளப்புகள் மற்றும் அதைச் சாா்ந்த மதுக்கூடங்கள் மூடப்படும்.

மேலும், எஃப்.எல்.3 உரிமம் பெற்ற ஹோட்டல்கள் சாா்ந்த மதுக்கூடங்கள் மற்றும் எஃப்.எல்.3(ஏ), எஃப்.எல்.3(ஏஏ) மற்றும் எஃப்.எல்.11 உரிமம் கொண்ட மதுக்கூடங்கள் அனைத்தும் கண்டிப்பாக மூடப்படுவதுடன், இவற்றில் மதுபான விற்பனையும் நடைபெறக்கூடாது. விதிமுறைகளை மீறி மதுபானம் விற்பனை செய்பவா்கள் மீது கடுமையான நடவடிக்கை எடுக்கப்படும் என தெரிவித்துள்ளாா் அவா்.