இரும்புக் கிடங்கு உரிமையாளரை கட்டிப்போட்டு கொள்ளை: 13 போ் கைது

சிங்காநல்லூரில் இரும்புக் கிடங்கு உரிமையாளரைக் கட்டிப்போட்டு கம்பிகள், வாகனங்களைக் கொள்ளையடித்து சென்ற 13 பேரை போலீஸாா் கைது செய்தனா்.

சிங்காநல்லூா் உலக நாயக்கா் தோட்டத்தைச் சோ்ந்தவா் முத்தையா (51). இவா் அந்தப் பகுதியில் இரும்புக் கிடங்கு வைத்துள்ளாா். இந்நிலையில், இடத்தின் உரிமையாளா் அந்த இடத்தை விற்க முடிவெடுத்ததாகக் கூறப்படுகிறது. இதையடுத்து முத்தையா, இடத்தின் உரிமையாளா் பிரபுவை தொடா்புகொண்டு, தானே அந்த இடத்தை வாங்கிக் கொள்வதாகத் தெரிவித்துள்ளாா். அதற்கு அவா் சம்மததித்ததால், இடத்தை வாங்குவதற்காக பிரபுவிடம் ரூ. 50 லட்சம் முன்பணத்தை முத்தையா கொடுத்ததாகக் கூறப்படுகிறது.

பணத்தைப் பெற்று கொண்ட பிரபு, இடத்தை எழுதிக் கொடுக்க மறுத்துவிட்டதாக கூறப்படுகிறது. இடத்தை தன் பெயருக்கு எழுதித் தருமாறு முத்தையை வற்புறுத்தி வந்தாா். இந்நிலையில், பிரபு உட்பட 13 போ் கொண்ட கும்பல் கிடங்குக்குள் புதன்கிழமை இரவு புகுந்து, அங்கு தூங்கிக் கொண்டிருந்த முத்தையா மற்றும் மற்றொரு நபரை கட்டி வைத்து, கிடங்கில் இருந்த இரும்புக் கம்பிகள், சி.சி.டி.வி. கேமராக்கள், 2 வாகனங்கள், அலுவலகத்தில் உள்ள பொருள்களைக் கொள்ளையடித்துக் கொண்டு தப்பியது.

மறுநாள் காலையில் பணிக்கு வந்தவா்கள் கயிற்றை அவிழ்த்து முத்தையாவை விடுவித்தனா். இதுகுறித்து சிங்காநல்லூா் போலீஸில் முத்தையா புகாா் அளித்தாா். போலீஸாா், விசாரணை மேற்கொண்டதில் பிரபு, தனது கூட்டாளிகளான கண்ணன், அஜ்பத்தாரி, வீரபாகு, வீரய்யா, பென்னி, பாா்த்தசாரதி, பிரபு என்ற வெள்ளையன், சங்கா் கணேஷ், பாலமுருகன், பாா்த்தசாரதி உட்பட 13 பேருடன் சோ்ந்து கிடங்குக்குள் புகுந்து முத்தையாவை கட்டி போட்டு பொருட்களை கொள்ளையடித்துச் சென்றது தெரியவந்தது. இதையடுத்து பிரபு உட்பட 13 பேரை போலீஸாா் கைது செய்தனா்.