தங்கம் விலை சற்று குறைந்துள்ளது: எவ்வளவு தெரியுமா?

சென்னையில் ஆபரணத் தங்கத்தின் விலை இன்று சற்று குறைந்துள்ளது. 

தங்கம் விலை அவ்வப்போது ஏற்ற இறக்கங்களை கண்டுவருவது தொடர்ந்து நிகழ்ந்து வரும் ஒன்றாக இருந்தாலும், கடந்த இரண்டு மாதமாக தங்கத்தின் விலை ஏற்றம் கண்டு வருகிறது.

இந்நிலையில், பிப்ரவரி 20-ம் தேதி காலை நிலவரப்படி இன்றும் சற்று குறைந்துள்ளது. 

அதன்படி 22 கேரட் ஆபரணத் தங்கத்தின் விலை கிராமுக்கு ரூ.10 குறைந்து ஒரு கிராம் தங்கம் ரூ.5,280ஆக விற்பனை செய்யப்படுகிறது. இதன்மூலம் சவரனுக்கு ரூ.80 குறைந்து ஒரு சவரன் ரூ.42,240-க்கு விற்பனை செய்யப்படுகிறது.

படிக்க: நாகாலாந்து ஆளுநராக இல. கணேசன் பதவியேற்றார்!

அதேசமயம், வெள்ளியின் விலையும் இன்று சற்று குறைந்துள்ளது. கிராமுக்கு 10 காசுகள் குறைந்து ஒரு கிராம் ரூ.71.70 ஆகவும், ஒரு கிலோ ரூ.100 குறைந்து ரூ.71,700 ஆக விற்பனை செய்யப்படுகிறது.