மேட்டூர் அணை நிலவரம்!

மேட்டூர்: மேட்டூர் அணையின் நீர்மட்டம் 118.79 அடியாக குறைந்துள்ளது. 

காவிரி டெல்டா பாசன பகுதிகளில் மழை இல்லாத காரணத்தால் பாசன தேவை அதிகரித்துள்ளது. இதனால் மேட்டூர் அணையில் இருந்து காவேரி டெல்டா பாசனத்திற்கு திறக்கப்படும் நீரின் அளவு கடந்த 29 ஆம் தேதி மாலை வினாடிக்கு 5000 கன அடியிலிருந்து வினாடிக்கு 12,000 கன அடியாக அதிகரிக்கப்பட்டது. 

மேட்டூர் அணைக்கு வரும் நீரின் அளவு குறைந்த நிலையில் பாசனத்திற்கு திறக்கப்படும் நீரின் அளவு அதிகரிக்கப்பட்டதால் கடந்த 29ஆம் தேதி 120 அடியாக இருந்த மேட்டூர் அணை நீர்மட்டம் இன்று காலை 118.79அடியாக குறைந்துள்ளது. கடந்த மூன்று நாள்களில் அணையின் நீர்மட்டம் 1.21 அடியாக குறைந்துள்ளது.

இதையும் படிக்க: தேவலாயங்களில் சிறப்பு திருப்பலிகள்: இடையூறு செய்த இளைஞர்களுக்கு தடியடி!

இன்று காலை மேட்டூர் அணைக்கு வினாடிக்கு 4,081 கன அடி வீதம் தண்ணீர் வந்து கொண்டிருக்கிறது. காவிரி டெல்டா பாசனத்திற்கு வினாடிக்கு 12,000 கன அடி வீதமும், கிழக்கு மேற்கு கால்வாய் பாசனத்திற்கு வினாடிக்கு 400 கன அடி வீதமும் தண்ணீர் திறக்கப்பட்டு வருகிறது. அணையின் நீர் இருப்பு 91.55 டி.எம்.சியாக உள்ளது.