தூத்துக்குடி புதுமணத் தம்பதி கொலையில் மேலும் 2 பேர் சரண்

தூத்துக்குடியில் புதுமணத் தம்பதி கொலை வழக்கில் வள்ளியூர் நீதிமன்றத்தில் மேலும் 2 பேர் சரணடைந்தனர். 

தூத்துக்குடி முருகேசன் நகரைச் சோ்ந்த வசந்தகுமாா் மகன் மாரிசெல்வம்(24). இவரும் திருவிக நகரை சோ்ந்த முத்துராமலிங்கம் மகள் காா்த்திகா (20) என்பவரும் இரு ஆண்டுகளாக காதலித்து வந்தனராம். இதற்கு பெண் வீட்டில் எதிா்ப்பு தெரிவித்திருந்த நிலையில், கடந்த அக்.30இல் அவா்கள் திருமணம் செய்துகொண்டனா். இந்த நிலையில், முருகேசன் நகரில் உள்ள வீட்டில் மாரிசெல்வமும், காா்த்திகாவும் வியாழக்கிழமை இருந்தபோது, 3 பைக்குகளில் வந்த 6 போ் அவா்கள் இருவரையும் வெட்டிக்கொலை செய்துவிட்டு தப்பினா்.

சிப்காட் போலீஸாா், அவா்களது சடலங்களைக் கைப்பற்றி தூத்துக்குடி அரசு மருத்துவக் கல்லூரி மருத்துவமனைக்கு அனுப்பி வைத்தனா். மாவட்ட எஸ்.பி. எல்.பாலாஜி சரவணன், ஊரக டிஎஸ்பி சுரேஷ், நகர டிஎஸ்பி சத்தியராஜ் ஆகியோா் சம்பவ இடத்தில் விசாரணை மேற்கொண்டனா். போலீஸாா் குவிப்பு: கொலையுண்ட தம்பதியின் உடல்கள் கூறாய்வு செய்யப்பட்ட நிலையில், இருவீட்டாரும் மருத்துவமனை வளாகத்தில் குவிந்ததால், பாதுகாப்புக்காக போலீஸாா் குவிக்கப்பட்டனா்.

பின்னா், இருவரின் உடல்களும் மாரிசெல்வம் உறவினரிடம் ஒப்படைக்கப்பட்டது. இதனிடையே, இச்சம்பவத்தில் தொடா்புடையதாக கருதப்படும் காா்த்திகாவின் தந்தை முத்துராமலிங்கம் (47), கே.வி.கே. நகரைச் சோ்ந்த இசக்கிமுத்து மகன் இசக்கிராஜா (23), சங்கா் காலனியை சோ்ந்த மாரியப்பன் மகன் ராஜபாண்டி (27), ஒரு சிறுவன் ஆகியோரை 3 போ் அடங்கிய தனிப்படை போலீஸாா் வெள்ளிக்கிழமை கைது செய்தனா். கார்த்திகாவின் தந்தை உட்பட 4 பேர் ஏற்கெனவே கைதான நிலையில் கருப்பசாமி, பரத் விக்னேஷ்குமார் ஆகியோர் வள்ளியூர் நிதிமன்றத்தில் சரணடைந்தனர்.