யாருடன் கூட்டணி? ஜி.கே.வாசன் விளக்கம்

மக்களவைத் தேர்தல் கூட்டணி குறித்து தமிழ் மாநில காங்கிரஸ் தலைவர் ஜி.கே.வாசன் விளக்கம் அளித்துள்ளார்.

பாஜக-அதிமுகவின் தேசிய ஜனநாயக கூட்டணியில் கடந்த தேர்தலில் தமிழ் மாநில காங்கிரஸ் போட்டியிட்டது. தற்போது பாஜகவின் கூட்டணியில் இருந்து விலகுவதாக அதிமுக அறிவித்தது.

இதையடுத்து தமிழகத்தில் தேசிய ஜனநாயக கூட்டணியில் இருக்கும் கட்சிகள் எந்த கட்சிக்கு ஆதரவு அளிக்கும் என்ற பெரும் கேள்வி நிலவி வருகின்றது.

இந்த நிலையில், தேசிய ஜனநாயக கூட்டணியில் பிரதான கட்சியாக இருந்த தமிழ் மாநில காங்கிரஸின் தலைவர் ஜி.கே.வாசன், தற்போது யாருடனும் கூட்டணியில் இல்லை என்று விளக்கம் அளித்துள்ளார்.

இதையும் படிக்க | திமுகவில் இருந்து 3 கவுன்சிலர்கள் இடைநீக்கம்!

தொடர்ந்து அதிமுக - பாஜகவுக்கு நட்புக் கட்சியாக செயல்படுவதாகவும், ஜனவரி மாதம் கூட்டணி குறித்து தெரிவிக்கப்படும் என்றும் தெரிவித்துள்ளார்.