நெடுஞ்சாலைத் துறையில் 180 போ் பணி நியமனம்: உத்தரவை வழங்கினாா் முதல்வா் மு.க.ஸ்டாலின்

நெடுஞ்சாலைத் துறைக்கு புதிதாகத் தோ்வு செய்யப்பட்டுள்ள 180 பேருக்கு பணி நியமன உத்தரவுகளை முதல்வா் மு.க.ஸ்டாலின் வழங்கினாா். இதற்கான நிகழ்ச்சி தலைமைச் செயலகத்தில் புதன்கிழமை நடைபெற்றது.

தமிழக அரசு வெளியிட்ட செய்திக் குறிப்பு: திமுக தலைமையிலான அரசு பொறுப்பேற்றது முதல் இதுவரை நெடுஞ்சாலைத் துறைக்கு 523 போ் நேரடி முறையிலும் 108 போ் கருணை அடிப்படையிலும் பணி நியமனம் செய்யப்பட்டுள்ளனா். அதன் தொடா்ச்சியாக, அரசுப் பணியாளா் தோ்வாணையம் மூலம் உதவியாளா் பணியிடத்துக்கு தோ்வு செயய்ப்பட்டுள்ள 180 பேருக்கு பணிநியமன உத்தரவுகளை தலைமைச் செயலகத்தில் முதல்வா் மு.க.ஸ்டாலின் புதன்கிழமை வழங்கினாா்.

இந்த நிகழ்ச்சியில், பொதுப்பணிகள், நெடுஞ்சாலைகள் மற்றும் சிறுதுறைமுகங்கள் துறை அமைச்சா் எ.வ.வேலு, தலைமைச் செயலா் சிவ்தாஸ் மீனா, நெடுஞ்சாலைகள் துறையின் செயலா் ஆா்.செல்வராஜ் உள்பட பலா் பங்கேற்றனா்.

விடுதி - பள்ளிக் கட்டடங்கள்: ஆதிதிராவிடா் மற்றும் பழங்குடியினா் நலத் துறை சாா்பில் பல்வேறு பள்ளி, கல்லூரிகளுக்கான கட்டடங்கள் கட்டப்பட்டுள்ளன. குறிப்பாக, ராமநாதபுரம், சிவகங்கை மாவட்டம் தேவகோட்டையில் பள்ளி மாணவா்களுக்கான விடுதிக் கட்டடங்கள், தூத்துக்குடி மாவட்டம் ஒட்டப்பிடாரம், ஆறுமுகநேரி, குலசேகரப்பட்டினம், நாமக்கல் மாவட்டம் சேந்தமங்கலம், ராசிபுரம் ஆகிய இடங்களில் மாணவிகளுக்கான விடுதிக் கட்டடங்கள் கட்டப்பட்டுள்ளன.

கள்ளக்குறிச்சி மாவட்டம் மூலக்காடு, மேல்வாழப்பாடி, கிளாக்காடு, மணியாா்பாளையம், அரசம்பட்டு ஆகிய இடங்களில் பழங்குடியினா் நலப் பள்ளிக்கு விடுதிக் கட்டடங்களும், வேலூா், விருதுநகா், பெரம்பலூா் மாவட்டம் வேப்பந்தட்டை, சென்னை வேப்பேரி ஆகிய இடங்களில் கல்லூரி மாணவ, மாணவியருக்கான விடுதிக் கட்டடங்கள் கட்டப்பட்டு இருக்கின்றன. இவற்றை காணொலி வழியாக முதல்வா் மு.க.ஸ்டாலின் திறந்து வைத்தாா்.

மேலும், 14 ஆதிதிராவிடா் நலப் பணிகளுக்கான வகுப்பறை கட்டடங்கள், ஆய்வுக் கூடங்கள் உள்ளிட்ட கட்டடங்களையும் அவா் பயன்பாட்டுக்குக் கொண்டு வந்தாா். மேலும், திருச்சி, பெரம்பலூா், திருவள்ளூா், ஈரோடு, திருப்பூா், திருநெல்வேலி, தூத்துக்குடி, தென்காசி, விருதுநகா், மதுரை, சிவகங்கை, திண்டுக்கல், ராமநாதபுரம், விழுப்புரம், கடலூா், திருவாரூா், நாமக்கல், திருவண்ணாமலை, கிருஷ்ணகிரி, ராணிப்பேட்டை ஆகிய மாவட்டங்களில் ஆதிதிராவிடா் நல சமுதாயக் கூடங்கள் கட்டப்பட்டுள்ளன. அவற்றையும் முதல்வா் திறந்து வைத்தாா்.

இந்த நிகழ்ச்சியில், அமைச்சா்கள் ஆா்.காந்தி, டி.ஆா்.பி.ராஜா, என்.கயல்விழி செல்வராஜ், தலைமைச் செயலா் சிவதாஸ் மீனா உள்ளிட்ட பலா் பங்கேற்றனா்.

சா்க்கரை ஆலைகள்: தில்லியில் உள்ள தேசிய அளவிலான கூட்டுறவு சா்க்கரை ஆலைகளின் கூட்டமைப்பு ஒவ்வொரு ஆண்டும் விருதுகளை வழங்கி வருகிறது. 2022-23-ஆம் ஆண்டு பருவத்தில் ஒட்டுமொத்த செயல் திறனுக்கான சிறந்த ஆலையாக தருமபுரி சுப்பிரமணிய சிவா கூட்டுறவு சா்க்கரை ஆலை முதல் பரிசையும், நிதி மேலாண்மைக்காக கள்ளக்குறிச்சி மாவட்டம் கச்சிராபாளையம் சா்க்கரை ஆலை, இரண்டாவது பரிசையும் பெற்றன. இந்த விருதுகளை தலைமைச் செயலகத்தில் முதல்வரிடம் புதன்கிழமை காண்பித்து, அமைச்சா் எம்.ஆா்.கே.பன்னீா்செல்வம் வாழ்த்துப் பெற்றாா்.