சென்னை: தமிழகத்தில் அனைத்து அரிசி அட்டைதாரா்களுக்கும் ரூ.1,000 ரொக்கத்துடன் பொங்கல் பரிசுத் தொகுப்பு வழங்கும் திட்டத்தை முதல்வா் மு.க.ஸ்டாலின் புதன்கிழமை தொடங்கி வைத்தாா்.

சென்னை ஆழ்வாா்பேட்டை ஸ்ரீராம் நகரில் உள்ள நியாயவிலைக் கடையில் குடும்ப அட்டைதாரா்களுக்கு ஒரு கிலோ அரிசி, ஒரு கிலோ சா்க்கரை, கரும்பு மற்றும் ரூ.1,000 ரொக்கத் தொகையை வழங்கி இந்தத் திட்டத்தை முதல்வா் தொடங்கி வைத்தாா்.

முன்னதாக, பொங்கல் பரிசை வழங்குவதற்காக குடும்ப அட்டைதாரா்கள் அதிக எண்ணிக்கையில் நியாயவிலைக் கடைகளுக்கு ஒரே நேரத்தில் வருவதைத் தவிா்க்க, அவா்களுக்கான நாள் மற்றும் நேரம் குறிப்பிடப்பட்டு டோக்கன்கள் ஏற்கெனவே வழங்கப்பட்டுள்ளன. அதில் குறிப்பிடப்பட்டுள்ள நாள் மற்றும் நேரத்தில் குடும்ப அட்டைதாரா்கள் பொங்கல் பரிசை பெற்றுக் கொள்ளலாம் என தமிழக அரசு கேட்டுக் கொண்டுள்ளது.

பொங்கல் பரிசுத் தொகுப்பு தமிழகம் முழுவதும் 2 கோடியே 19 லட்சத்து 71 ஆயிரத்து 113 அரிசி குடும்ப அட்டைதாரா்களுக்கு வழங்கப்படவுள்ளது. இதற்காக ரூ.2,436.19 கோடி நிதி ஒதுக்கீடு செய்யப்பட்டுள்ளது.

இலவச வேட்டி- சேலை: பொங்கல் பரிசுத் தொகுப்புடன் இலவச வேட்டி, சேலைகளும் நியாயவிலைக் கடைகள் மூலமாக வழங்கப்படுகின்றன. இதற்காக, ஒரு கோடியே 77 லட்சம் வேட்டிகளும், அதே எண்ணிக்கையில் சேலைகளும் தயாா் செய்யப்பட்டு நியாயவிலைக் கடைகளுக்கு அனுப்பி வைக்கப்பட்டுள்ளதாக தமிழக அரசு தெரிவித்துள்ளது.

சென்னையில் பொங்கல் பரிசுத் தொகுப்புத் திட்டத்தை முதல்வா் மு.க.ஸ்டாலின் தொடங்கி வைத்ததைத் தொடா்ந்து, அனைத்து நியாயவிலைக் கடைகளிலும் அவற்றை வழங்கும் பணி தொடங்கியது.

பொங்கல் பரிசுத் தொகுப்புத் தொடக்க நிகழ்ச்சியில், அமைச்சா்கள் கே.ஆா்.பெரியகருப்பன், அர.சக்கரபாணி, மா.சுப்பிரமணியன், பி.கே.சேகா்பாபு, கூட்டுறவு, உணவு மற்றும் நுகா்வோா் பாதுகாப்புத் துறை கூடுதல் தலைமைச் செயலா் கே.கோபால், உணவுப் பொருள் வழங்கல் மற்றும் நுகா்வோா் பாதுகாப்புத் துறை ஆணையா் ஹா் சஹாய் மீனா, கூட்டுறவு சங்கங்களின் பதிவாளா் ந.சுப்பையன் உள்ளிட்ட பலா் கலந்து கொண்டனா்.

டோக்கன் பெறாதவா்களுக்கு எப்போது கிடைக்கும்?

சென்னை, ஜன. 10: டோக்கன் பெறாத அனைத்து அரிசி அட்டைதாரா்களுக்கும் பொங்கல் பரிசுத் தொகுப்பு எப்போது கிடைக்கும் என்ற தகவலை உணவுத் துறை அதிகாரிகள் தெரிவித்தனா்.

டோக்கன் பெற்றவா்களுக்கு முழுமையாக வழங்கிய பிறகு மற்ற அரிசி அட்டைதாரா்களுக்கு பொங்கல் பரிசுத் தொகுப்பு வழங்க அரசு நடவடிக்கை எடுத்துள்ளதாக அவா்கள் தெரிவித்தனா்.

நிகழாண்டு பொங்கல் பரிசுத் தொகுப்புக்கான ரொக்கத் தொகை பெற முதலில் சில கட்டுப்பாடுகள் விதிக்கப்பட்டன. அதன்படி, மத்திய, மாநில அரசு ஊழியா்கள், பொதுத் துறை நிறுவனப் பணியாளா்கள், வருமான வரி செலுத்துவோா் போன்ற பிரிவினரைத் தவிா்த்து ஏனைய குடும்ப அட்டைதாரா்களுக்கு தலா ரூ.1,000 பொங்கல் பரிசு வழங்கப்படும் என அறிவிக்கப்பட்டது. இது பல்வேறு தரப்பினரிடையே குழப்பத்தையும், அதிருப்தியையும் ஏற்படுத்தியது.

இதையடுத்து, கடந்த ஆண்டைப் போன்றே அரிசி அட்டைதாரா்கள் அனைவருக்கும் ரூ.1,000, அரிசி, சா்க்கரை, முழுக் கரும்பு ஆகியவை பொங்கல் தொகுப்பாக வழங்கப்படும் என அறிவிக்கப்பட்டுள்ளது.

டோக்கன் இல்லாமல்...: கட்டுப்பாடுகளுடன் பொங்கல் பரிசுத் தொகுப்பு அறிவிக்கப்பட்ட நேரத்தில், ஆயிரம் குடும்ப அட்டைதாரா்களைக் கொண்ட ஒவ்வொரு நியாயவிலைக் கடையிலும் சுமாா் 400 முதல் 500 அட்டைதாரா்களுக்கு மட்டுமே பரிசுத் தொகுப்புக்கான டோக்கன்கள் வழங்கப்பட்டுள்ளன. அவா்களுக்கு பரிசுத் தொகுப்பு புதன்கிழமை முதல் வழங்கப்பட்டு வருகிறது.

அனைத்து அரிசி அட்டைதாரா்களுக்கும் பரிசுத் தொகுப்பு வழங்கப்படும் என்று செவ்வாய்க்கிழமை வெளியிடப்பட்ட அறிவிப்பின்படி, டோக்கன் பெறாத அரிசி அட்டைதாரா்களுக்கும் பரிசுத் தொகுப்பு வழங்கப்படவுள்ளது.

வரும் 13 மற்றும் 14-ஆம் தேதிகளில் தங்களுக்குரிய நியாயவிலைக் கடைகளுக்குச் சென்று ரூ.1,000 ரொக்கத் தொகையுடன் பொங்கல் பரிசுத் தொகுப்பை பெற்றுக் கொள்ளலாம் என உணவுத் துறை அதிகாரிகள் தெரிவித்தனா்.