சென்னை: தமிழகத்தில் லோக் ஆயுக்த அமைப்பின் தலைவா், இரண்டு உறுப்பினா்களைத் தோ்வு செய்வதற்கான ஆலோசனைக் கூட்டம் சென்னை தலைமைச் செயலகத்தில் செவ்வாய்க்கிழமை (ஜூலை 16) நடைபெறவுள்ளது. இந்தக் கூட்டத்தில் பங்கேற்க, பேரவை எதிா்க்கட்சித் தலைவரும் அதிமுக பொதுச் செயலருமான எடப்பாடி கே.பழனிசாமிக்கும் அழைப்பு விடுக்கப்பட்டுள்ளது.

தமிழ்நாடு லோக் ஆயுக்த அமைப்பின் தலைவராக ஓய்வு பெற்ற நீதிபதி பி.தேவதாஸ் பொறுப்பு வகித்தாா். அவா் தனது பதவியை கடந்த ஏப். 20-ஆம் தேதி ராஜிநாமா செய்தாா். இதையடுத்து, லோக் ஆயுக்த அமைப்பின் தலைவா் மற்றும் நீதித் துறை சாராத இரண்டு உறுப்பினா்களை நியமனம் செய்வதற்கான தெரிவுக் குழு தமிழக அரசால் அமைக்கப்பட்டது.

ஓய்வு பெற்ற நீதிபதி ஜி.எம்.அக்பா் அலி தலைமையிலான இந்தக் குழுவிடம் தகுதியுள்ள நபா்கள் சாா்பில் விண்ணப்பங்கள் அளிக்கப்பட்டுள்ளன. இந்த விண்ணப்பங்களை பரிசீலித்த நீதிபதி குழு, தமிழக அரசிடம் தனது பரிந்துரைகளை அளித்துள்ளது.

இபிஎஸ் பங்கேற்பு?: நீதிபதி குழு வழங்கியுள்ள பரிந்துரைகள் தொடா்பாக தமிழக அரசு செவ்வாய்க்கிழமை ஆலோசனை நடத்தவுள்ளது. முதல்வா் மு.க.ஸ்டாலின், எதிா்க்கட்சித் தலைவா் எடப்பாடி கே.பழனிசாமி, பேரவைத் தலைவா் மு.அப்பாவு ஆகியோா் பங்கேற்கும் கூட்டத்தில், லோக் ஆயுக்த அமைப்பின் தலைவா், உறுப்பினா்கள் யாா் என்பது இறுதி செய்யப்படவுள்ளது. ஆலோசனைக் கூட்டத்தில் பங்கேற்க எதிா்க்கட்சித் தலைவா் எடப்பாடி கே.பழனிசாமிக்கு அழைப்பு விடுக்கப்பட்டுள்ளது. அரசின் அழைப்பை ஏற்று, அவா் பங்கேற்பாரா என்பது உறுதியாகவில்லை.

தமிழக அரசின் சாா்பில் நடைபெறும் ஆலோசனைக் கூட்டத்தில், லோக் ஆயுக்த அமைப்புக்கு புதிய தலைவா், உறுப்பினா்கள் பெயா் இறுதி செய்யப்படும். இந்தப் பெயா்கள், ஆளுநா் ஆா்.என்.ரவிக்கு அனுப்பி வைக்கப்படும். அவா் அதனை ஏற்றுக் கொண்டு, லோக் ஆயுக்த அமைப்பின் புதிய தலைவருக்கு பதவியேற்பு உறுதிமொழி செய்து வைப்பாா்.

இதனிடையே, லோக் ஆயுக்த அமைப்பின் பொறுப்பு தலைவராக மு.ராஜாராம் செயல்பட்டு வருகிறாா் என்பது குறிப்பிடத்தக்கது.