விக்கிரவாண்டி: கூடுதல் பாா்வையாளா்களை நியமிக்க அன்புமணி ராமதாஸ் கோரிக்கை

விக்கிரவாண்டி தொகுதியில் தோ்தல் நியாயமாக நடைபெற 5 பாா்வையாளா்களை கூடுதலாக நியமிக்க வேண்டும் என்று பாமக தலைவா் அன்புமணி ராமதாஸ் கோரிக்கை விடுத்துள்ளாா்.

அவா் ஞாயிற்றுக்கிழமை வெளியிட்ட அறிக்கை:

விக்கிரவாண்டி தொகுதி இடைத்தோ்தலுக்கு இன்னும் 10 நாள்கள் மட்டுமே இருக்கும் நிலையில், தோ்தல் விதிமீறல்கள் மற்றும் வன்முறைகளை திமுக கட்டவிழ்த்து விட்டுள்ளது.

தொகுதி முழுவதும் கோயில் நிலங்கள், புறம்போக்கு நிலங்கள் ஆகியவற்றை ஆக்கிரமிப்பு செய்து திமுகவினா் கூடாரங்கள் அமைத்துள்ளனா்.

இத்தகைய கூடாரம் அமைப்பதற்காக ஆசூா் கிராமத்தில், திமுக கிளைச் செயலா் சட்டவிரோதமாக மணல் எடுத்ததாகக் கூறப்படுகிறது. அதுபற்றி அதிகாரிகளிடம் புகாா் செய்த அதிமுக கிளைச் செயலா், தாக்குதலை தட்டிக்கேட்ட பாமக கிளைத் தலைவா் ஆகியோா் தாக்கப்பட்டுள்ளனா். இருவரும் மருத்துவமனையில் சோ்க்கப்பட்டுள்ளனா். இது தொடா்பாக அளிக்கப்பட்ட புகாா் மீது காவல்துறை எந்த நடவடிக்கையும் மேற்கொள்ளவில்லை.

5 பாா்வையாளா்கள் கூடுதலாக தேவை: அதேபோல தோ்தல் நடவடிக்கைகள் தொடங்கிய நாளில் இருந்தே திமுகவின் அத்துமீறல்கள் மீது எந்த நடவடிக்கையும் எடுக்காதவராக தோ்தல் அதிகாரி உள்ளாா்.

இந்தத் தோ்தல் ஓரளவாவது நியாயமாக நடைபெற வேண்டும் என்றால், தமிழக அரசின் அதிகார வரம்புக்குள் வராத வெளிமாநிலத்தைச் சோ்ந்த இந்திய ஆட்சிப் பணி அதிகாரி ஒருவரைத்தான் தோ்தல் அதிகாரியாக நியமிக்க வேண்டும். தோ்தல் விதிமீறல்களை தடுப்பதற்காக ஒன்றியத்துக்கு இரு பாா்வையாளா்கள், விக்கிரவாண்டி பேரூருக்கு ஒரு பாா்வையாளா் என மொத்தம் 5 பாா்வையாளா்களை கூடுதலாக நியமிக்க வேண்டும் என்று அன்புமணி கூறியுள்ளாா்.