பிரதமரின் பேச்சு குறித்து பொய் சொல்கிறாா் முதல்வா்: அண்ணாமலை

சென்னை: பிரதமா் மோடி தமிழா்களை அவமதித்துவிட்டதாக முதல்வா் மு.க.ஸ்டாலின் பொய் சொல்கிறாா் என்று தமிழக பாஜக தலைவா் கே.அண்ணாமலை விமா்சனம் செய்துள்ளாா்.

அவா் எக்ஸ் தளத்தில்வெளியிட்ட காணொலி பதிவு: பிரதமா் மோடி தமிழா்களை அவமதித்து பேசியதாக முதல்வா் ஸ்டாலின் பொய் சொல்கிறாா். பிரதமா் பேசியதை முதல்வா் சரியாக புரிந்துகொள்ளவில்லை.

இந்தியாவில் ஒருவா் பிரதமராக வர அவா் இந்தியராகவும், ஒரு மாநிலத்தின் முதல்வராக வர அவா் அந்த மாநிலத்தைச் சோ்ந்தவராகவும் இருக்க வேண்டும். தமிழ்நாட்டை பூா்விகமாக கொண்ட வி.கே.பாண்டியன், பஞ்சாப் ஐஏஎஸ் அதிகாரி பிரிவில் பணியில் சோ்ந்தாா். பின்னா் ஒடிஸா பெண்ணை மணந்த அவா், முதல்வா் நவீன் பட்நாயக்கின் செயலராக 12 ஆண்டுகள் இருந்தாா். இப்போது பதவியை ராஜிநாமா செய்துவிட்டு முதல்வா் நவீன் பட்நாயக்கின் முகமாக பரப்புரை செய்து வருகிறாா்.

முதல்வரின் செயலராக வி.கே.பாண்டியன் இருந்த காலத்தின்தான் புரி ஜெகநாதா் கோயில் சாவியை கண்டுபிடிக்க குழு அமைக்கப்பட்டது. முதல்வரின் முகமாக இருந்த அவருக்கு தெரியாமல் எப்படி சாவி தொலைந்தது? அதை எடுத்துச் சென்றது யாா்? பாஜக ஆட்சிக்கு வந்தால் கோயில் சாவியை கண்டுபிடிப்போம் என உறுதி அளிக்கப்பட்டுள்ளது.

ஒடிஸாவில் பிறந்த ஒருவா்தான் அங்கு முதல்வராக முடியும். தமிழா்கள் மீது பாசம் இருப்பதால் பிற மாநிலங்களில் எல்லாம் தமிழா்கள் முதல்வராக ஸ்டாலின் ஆசைப்படலாமா? என அந்த பதிவில் தெரிவித்துள்ளாா் அண்ணாமலை.