கொசு ஒழிப்புப் பணியாளா்களை நிரந்தரம் செய்ய வேண்டும்: ராமதாஸ்

கொசு ஒழிப்புப் பணியாளா்களை பணி நிரந்தரம் செய்ய, தமிழக அரசு நடவடிக்கை எடுக்க வேண்டும் என்று பாமக நிறுவனா் ராமதாஸ் வலியுறுத்தியுள்ளாா்.

இது தொடா்பாக அவா் சனிக்கிழமை வெளியிட்ட அறிக்கை:

தமிழகத்தில் டெங்கு கொசு ஒழிப்புப் பணிகளுக்காக 30,000-க்கும் மேற்பட்ட பணியாளா்கள் மிகக்குறைந்த ஊதியத்தில் பணியாற்றி வரும் நிலையில், அவா்களில் பலா் பணி நிரந்தரம் கோரி நீதிமன்றங்களில் வழக்குத் தொடா்வதாகவும், அதனால் அவா்கள் ஒரு மாதம் பணியாற்றினால் அடுத்த மாதம் பணி வழங்கக் கூடாது என்று தமிழக அரசு ஆணையிட்டுள்ளதாகவும் செய்தி வந்துள்ளது.

சமூக நீதிக்கும், மனித நேயத்துக்கும் எதிரான தமிழக அரசின் இந்த நடவடிக்கைக் கண்டிக்கத்தக்கது. ஒரு பணியாளா் குறைந்தபட்சம் 240 நாள்கள் தொடா்ந்து பணியாற்றினால் அவா்களை பணி நிரந்தரம் செய்ய வேண்டும் என்பது விதியாகும். நிரந்தரப் பணி என்பது தொழிலாளா்களின் அடிப்படை உரிமையாகும்.

திமுக ஆட்சிக்கு வந்த நாளில் இருந்தே அரசுப் பணியாளா்களை ஒடுக்குவது, தொழிலாளா்களுக்கு 12 மணி நேர வேலை நிா்ணயம் செய்வது என தொழிலாளா் விரோத செயல்களில் ஈடுபட்டு வருகிறது. கொசு ஒழிப்புப் பணியாளா்களுக்கு தொடா்ந்து வேலை வழங்குவதுடன், 10 ஆண்டுகளை நிறைவு செய்த தற்காலிக தொழிலாளா்கள் அனைவருக்கும் உடனடியாக பணி நிரந்தரம் செய்ய வேண்டும் என்று அவா் கூறியுள்ளாா்.