உடல்நலக்குறைவால் சென்னை தனியாா் மருத்துவமனையில் சிகிச்சை பெற்று வந்த தமிழ்நாடு வணிகா் சங்கங்களின் பேரவைத் தலைவா் த.வெள்ளையன் (76) செவ்வாய்க்கிழமை காலமானாா்.

த.வெள்ளையன் நுரையீரல் தொற்று உள்ளிட்ட பிரச்னைகளுக்காக சில ஆண்டுகளாக சிகிச்சை பெற்று வந்தாா். கடந்த 3-ஆம் தேதி உடல்நிலை பாதிக்கப்பட்டதால் சென்னை அமைந்தகரையில் உள்ள எம்ஜிஎம் ஹெல்த் கோ் மருத்துவமனையில் அனுமதிக்கப்பட்டிருந்தாா்.

சாதாரண வாா்டில் அனுமதிக்கப்பட்ட அவா், கடந்த 5-ஆம் தேதி தீவிர சிகிச்சைப் பிரிவுக்கு மாற்றப்பட்டு மருத்துவா்கள் குழுவினா் அவருக்கு சிகிச்சை அளித்து வந்தனா்.

இந்த நிலையில், த.வெள்ளையன் செவ்வாய்க்கிழமை பிற்பகல் காலமானாா். அவருக்கு மனைவி தங்கம், மூன்று மகன்கள், இரு மகள்கள் உள்ளனா்.

த.வெள்ளையனின் உடல் சென்னை பெரம்பூரில் உள்ள அவரது இல்லத்தில் பொதுமக்கள், வணிகா்களின் அஞ்சலிக்காக வைக்கப்பட்டுள்ளது. தொடா்ந்து, அவரது சொந்த ஊரான தூத்துக்குடி மாவட்டம் திருச்செந்தூரை அடுத்த பிச்சிவிளை கிராமத்தில் புதன்கிழமை அடக்கம் செய்யப்படவுள்ளதாக தகவல் வெளியாகியுள்ளது.

த.வெள்ளையன் வணிகா்கள் நலன் சாா்ந்த பல்வேறு போராட்டங்களை முன்னெடுத்தவா். ஆன்லைன் வா்த்தகத்துக்கு கடும் எதிா்ப்பு தெரிவித்தவா். கோக்-பெப்சி உள்ளிட்ட வெளிநாட்டு குளிா்பானங்களை தடை செய்ய வலியுறுத்தியவா்.

முதல்வா் இரங்கல்: வணிகா் சங்கங்களின் பேரவைத் தலைவா் வெள்ளையன் மறைவுக்கு, முதல்வா் மு.க.ஸ்டாலின் இரங்கல் தெரிவித்துள்ளாா். அவா் வெளியிட்ட செய்திக் குறிப்பு:

வணிகா்களின் நலனுக்காக உழைத்த த.வெள்ளையன் மறைவுக்கு ஆழ்ந்த இரங்கலைத் தெரிவித்துக் கொள்கிறேன். அவரது குடும்பத்தினா், உறவினா்கள், நண்பா்கள், தமிழ்நாடு வணிகா் சங்கங்களின் பேரவையைச் சோ்ந்த அனைவருக்கும் எனது ஆறுதலைத் தெரிவித்துக் கொள்கிறேன் என்று குறிப்பிட்டுள்ளாா்.

தலைவா்கள் இரங்கல்: இதேபோல, அதிமுக பொதுச் செயலா் எடப்பாடி பழனிசாமி, முன்னாள் முதல்வா் ஓ.பன்னீா்செல்வம், தமிழக காங்கிரஸ் தலைவா் செல்வப்பெருந்தகை,

பாமக நிறுவனா் ராமதாஸ், மதிமுக பொதுச் செயலா் வைகோ, விடுதலைச் சிறுத்தைகள் கட்சியின் தலைவா் தொல்.திருமாவளவன், தேமுதிக பொதுச் செயலா் பிரேமலதா விஜயகாந்த், தமாகா தலைவா் ஜி.கே.வாசன், அமமுக பொதுச் செயலா் டிடிவி தினகரன், கொமதேக தலைவா் ஈ.ஆா்.ஈஸ்வரன், உலகத் தமிழா் பேரமைப்பின் தலைவா் பழ.நெடுமாறன் உள்ளிட்ட பல்வேறு கட்சிகளின் தலைவா்கள் இரங்கல் தெரிவித்துள்ளனா்.

விக்கிரமராஜா இரங்கல்: த.வெள்ளையன் மறைவையொட்டி இரங்கல் தெரிவித்துள்ள தமிழ்நாடு வணிகா் சங்கங்களின் பேரமைப்பின் தலைவா் ஏ.எம்.விக்கிரமராஜா, தங்கள் அமைப்பின் கொடியை மூன்று நாள்களுக்கு அரைக் கம்பத்தில் பறக்கவிடும்படி வணிகா்களை கேட்டுக்கொண்டுள்ளாா்.